RELIGION CHRESTIENiNE - Archive ouverte UNIGE

DE ORAISON. 343
nous admonneste et exhorte de nous retourner à luy en toutes noz
nécessitez (comme enfans ont leurs récours à leur père, toutesfois
et quantes que le besoing les presse) congnoissantz que nous
ne pouvons assez entendre, combien grande est nostre povreté
5 et misère, ne comprendre ce qui est bon à luy demander, et ce
qui est utile et proffitable : il a voulu subvenir à nostre ignorance,
et supplier de soymesme le deffault de nostre esprit : Et nous a
baillé un formulaire d'oraison : auquel, comme en un tableau, il
nous a mis en evidence tout ce qu'il est licite de souhaiter et delosirer
de luy: tout ce qui nous peut servir et proffîter : et tout
ce qui nous est besoing et nécessaire de luy demander. De ceste
bénignité et mansuétude nous povons prendre une singulière
consolation. Car nous voyons et sommes asseurez : que ne luy
faisons requeste qui soit illicite, importune, ne estrange devant
15 luy : et ne demandons chose qui ne luy soit aggreable : quand
ainsi ensuyvans sa reigle, prions quasi par sa bouche. Platon
voyant l'ignorance des hommes en leur[s] désirs et souhaitz qu'ilz
font à Dieu, lesquelz souvent ne leur peuvent estre concédez
sinon à leur grand dommage : declaire que la meilleure manière
s» de prier est celle qu'a baillé un Poète ancien : de requérir Dieu
de nous faire le bien : soit que nous le demandons ou ne le demandons
pas : et vouloir destourner le mal de nous mesmes,
quand nous désirerions qu'il nous advint. Enquoy il ha bonne
opinion, comme peut avoir un homme payen : d'autant qu'il voit
25 combien il est dangereux de requérir à Dieu ce que nostre cupidité
nous enseigne. Et pareillement monstre assez nostre malheur
: en ce que nous ne povons pas sans danger ouvrir la beuche
pour rien demander à Dieu sinon que le Sainct Esprit nous
conduise à la droite forme de bien prier.
30 Ceste oraison ou reigle de prier contient six petitions. Car
j'ay raison de n'accorder point avec ceux qui font une division
de six articles d'autant que l'Evangeliste parlant en ceste forme
ne nous induit point en tentation, mais délivre nous du maling :
lie ses deux membres ensemble, pour en faire une seule petition.
35 Comme s'il disoit : ne permetz point que soyons vaincuz de
tentation : ains plustost donne secours à nostre fragilité et
délivre nous, de peur que nous ne succombions. Et de faict
les anciens docteurs accordent à ceste exposition. Dont il est
facile de juger, que ce qui est adjousté en Sainct Matthieu, et