RELIGION CHRESTIENiNE - Archive ouverte UNIGE

S3 8 CHAPITRE IX.
recommandions à luy, et nous et tout ce qui est nostre. D'avantage
que tout ce que nous proposons, disons et faisons, soit proposé,
diet et faict soubz sa main et volunté, et en l'espérance de son ayde.
Car nostre Seigneur mauldit tous ceux qui en fiance d'eux mes-
5 mes ou d'autruy, proposent et desliberent leur conseil, et font
aucune entreprinse : et veulent commencer quelque chose hors
de sa volunté, et sans l'invoquer, n'implorer son ayde. Iesa. 30.
De ce qui a esté diet, qu'il nous fault croire et recongnois- '
tre qu'il est autheur de tout bien, il s'ensuyt que nous devons
îo tout prendre comme de sa main, avec continuelle action de
graces : et qu'il n'y a nul bon moyen d'aucunement user de ses
biensfaietz, qui nous sont continuellement eslargiz de luy,
si nous ne sommes aussi continuelz à le louer et le remercier.
Car quand S. Paul dit tous les biens de Dieu nous estre i.Tim.A.
15 sanctifiez par la parolle et oraison : par ce il demonstre aussi
que sans la parolle et oraison ilz ne nous sont pas sanctifiez.
Par la parolle il entend la Foy : laquelle ha correlation à icelle
parolle : à laquelle il fault avoir Foy. Ainsi sans oraison
et sans la Foy nulz biens de.Dieu ne nous sont sanctifiez- Psal.40.
2o Pourtant nous baille David un bon enseignement, quand en
ce qu'il a receu un nouveau benefice de Dieu, il diet qu'un nouveau
Cantique -luy a esté donné en la bouche. Enquoy il de-
" notte, que nostre silence n'est pas sans ingratitude, si nous passons
aucune de ses graces sans louënge : veu que toutes fois et
äsquantes qu'il nous faict du bien il nous donne matière de le
beni[r]. Ceste est la raison, pourquoy S. Paul en un autre passage
commande de prier sans intermission : voulant que tant que 4. Thés.
faire se peut, en tout temps, à toute heure, en tout lieu et en •
toutes choses, noz désirs soient eslevez en Dieu: à désirer tout bien 2, Tim. 2.
30 de luy, et luy rendre louënge de tout bien : comme les advertissemens
qu'il nous en baille en toutes choses sont continuelz.
Et que ainsi on doive prier continuellement, combien qu'il s'entende
principalement d'un chascun en son particulier : toutesfois
il appartient aussi aucunement aux oraisons publiques. Com-
35 bien qu'elles ne puissent estre continuelles : et qu'elles ne se peuvent
ou doivent faire que selon la pollice ordonnée du commun
consentement de l'Eglise : comme on voit qu'il est bon de
s'assembler : Et pourtant il y a heures certaines constituées :
qui sont indiferentes quand à Dieu, mais nécessaires quand à