RELIGION CHRESTIENiNE - Archive ouverte UNIGE

DE LA PUISSANCE ECCLESIASTIQUE. 74?)
cœur : neantmoins la parolle de Dieu demeure : qui commande Matt. 23.
d'obeyr à noz supérieurs. Et qu'encores qu'ilz imposent loix
rigoureuses et iniques : toutesfois nostre Seigneur commande,
que facions tout ce que disent les Scribes et Pharisiens : mesmes
s quand ilz lyent charges importables, lesquelles ilz ne vouldroient
toucher du doigt. Quoy ? Mais s'il failloit recevoir la doctrine
indifféremment de tous Pasteurs; quel mestier estoit-il que feussions
si souvent et tant songneusement advertiz par la parolle
de Dieu ; de n'escouter la doctrine des faulx Prophètes, et des
10 faulx Pasteurs ? N'escoutez point, dit le Seigneur, les parolles
des Prophètes qui vous prophétisent : Car ilz vous enseignent
mensonges : et vous adnoncent la vision de leur cœur, non pas Jere. 23.
ce qui est procédé de la bouche de Dieu. Item, Gardez vous des
faulx Prophètes qui viennent à vous en habitz de brebis, mais Matth. 7.
is par dedens sont loups ravissans. Sans propoz S. Jean nous eust
admonestez, d'esprouver les espriz : pour scavoir s'ilz sont de /. Je[an]
Dieu. De laquelle espreuve ne doivent estre exemptz les mensonges
du Diable, puis que les Anges mesmes de Paradis y sont
subjectz. D'avantage ceste parolle de nostre Seigrîeur c'est à sca-
2o voir que si un aveugle mené l'autre, tous deux cheoient en la Galat. 4.
fosse : ne nous monstre-elle point assez qu'il y a bien à regarder Matt. 15.
quelz Pasteurs on escoute ; et qu'il n'est pas bon de legierement
les escouter tous ? Parquoy ilz ne nous peuvent estonner de
leurs tiltres d'auctorité, pour nous attirer en leur aveuglement :
25 puis que nous voyons aucontraire, le soing que ha nostre Seigneur
de nous donner terreur, à ce que ne nous laissions point
aysement mener par l'erreur d'autruy, soubz quelque masque
de grand nom qu'il soit caché. Car si sa parolle est veritable,
tous les conducteurs aveugles, soit qu'ilz soient nommez Eves-
3oques, Prelatz ou Pontifes, ne pourroient autre chose, que tirer
en une mesme ruyne tous ceux qui les suyvront.
Reste l'autre poinct, touchant les Loix ausquelles ilz disent
qu'il fault obeyr, jasoit qu'elles soient cent fois iniques et injuste[s]
: d'autant qu'il n'est pas icy question que consentions aux
35 erreurs, mais seulement que nous, qui sommes subjectz, obéissions
aux commandemens rigoureux de noz supérieurs, lesquelz
il ne nous est pas licite de rejecter. Mais nostre Seigneur
par la vérité de sa parolle, nous deffend tresbien contre ceste
cavilation : et nous délivre de servitude, pour nous maintenir