RELIGION CHRESTIENiNE - Archive ouverte UNIGE

S92 CHAPITRE XI.
la promesse laquelle nous estoit donnée au Baptesme. Toutesfois
que celle promesse, puis qu'elle estoit de Dieu, dès lors, incontinent
et tousj ours estdemourée ferme et vraye. Encores que tous
les hommes fussent mensongers et infidèles : toutesfois Dieu ne
s laisse point d'estre veritable. Encores que tous fussent perduz et
damnez : toutesfois Jesus Christ demeure salut. Nous confessons
donc le Baptesme, pour ce temps là, ne nous avoir rien proffité :
puis que la promesse demouroit mesprisée : qui nous estoit en
iceluy offerte : sans laquelle le Baptesme n'est rien. Maintenant puis
10 que, graces à Dieu, avons commencé à nous amender, nous accu- :
sons nostre aveuglement et durté de cœur, qui avons esté tant
longuement ingratz à sa bonté : mais nous ne croyons pas pour-r
tant que la promesse se soit esvanoüye : ains plustost considérons
ainsi : Dieu par le Baptesme promet remission de péchez : et sans
ta doubte tiendra promesse à tous croyans. Celle promesse nous a
esté offerte au Baptesme, embrassons-la donc par Foy. Certes
elle nous a long temps esté ensevelie, pour raison de nostre infidélité
: maintenant donc recouvrons-la par Foy.
Pour ceste raison, quand le Seigneur exhorte à repentance le
20 peuple Judaique, il ne commande pas à ceux qui avoient esté
circonciz par les mains des iniques et des sacrileges, et avoient
aussi vescu quelque temps en mesme impieté, de se circoncir
de rechef : mais requiert la seule conversion du cœur. Car comment
que ce feust que son alliance eust esté violée par eux :
2s toutesfois le signe dïcelle, comme ilz l'avoient institué, demouroit
tousjours ferme et inviolable : Donc il les recevoit par ceste
seule condition qu'ilz revinssent à amendement, leur confermant
l'alliance, laquelle il avoit une fois faicte avec eux par la Circoncision
: combien qu'elle leur eust esté baillée par meschans Sa- Ad. 19.
30 crificateurs : et qu'elle leur eust esté fâulsée par leur propre iniquité.
Mais il leur semble advis qu'ilz nousjettent un dard de feu,
quand ilz allèguent Sainct Paul avoir rebaptisé ceux qui avoient
une fois esté baptisez du Baptesme Sainct Jean. Car si selon
nostre confession le Baptesme de Sainct Jean a esté du tout
35 un mesme Baptesme que est maintenant le nostre : comme
ceux là, èstans au paravant mal instituez, après avoir esté enseignez
de la droicte Foy, ont en icelle esté rebaptisez : ainsi
celuy Baptesme qui a esté sans vraye doctrine doibt estre réputé
pour rien : et devons estre nouvellement baptisez en la vraye reli-