RELIGION CHRESTIENiNE - Archive ouverte UNIGE

614 CHAPITRE XI.
chose : jà soit qu'ilz eussent esté eirconciz jeunes. Pourtant s'ilz
veullent conclure que tout ce qui est représenté au Baptesme
doibt précéder iceluy : leur faulte est en cela par trop lourde.
Veu mesmes que ces choses ont esté escrites aux personnes, les-
5 quelz avoient jà esté baptisez. Autant est-il à dire de ce qu'escrit
Sainct Paul aux Galatiens : que nous tous qui sommes baptisez
avons vestu Jesus Christ. Ce qui est vray. Mais à quelle
fin? pour vivre doresenavant en luy. Non pas pource que auparavant
ilz y ayent vescu. Et combien que les grans ne doivent
10 recevoir le signe, que premièrement ilz n'ayent intelligence de la
chose : il y a diverse raison aux petis enfans, comme il sera diet .
en autre lieu. Pourtant toutes telles raisons ainsi démenées ne
sont que depravations de l'Escriture, comme chascun peut voir.
Nous traicterons en brief les autres argumens : lesquelz se
ig peuvent desmesler sans grande difficulté. Hz allèguent que le
Baptesme est remission de noz péchez : en quoy ils errent
grandement. Car que deviendroit le sang de Jesus Christ, auquel
seul nous avons totalle et entière purgation ? Mais leur pardonnant
ceste faulte, laquelle est commune entre eux : pour donaoner
plus de couleur à leur argument : formons-le comme prins
de l'Escriture. Le Baptesme est un tesmoignage de la remission
de noz péchez. Ce que nous accordons. Et disons que par ceste
raisonil appartient aux petis enfans. Car estans pécheurs, comme
ilz sont, ilz ont besoing de pardon et remission de leurs macules.
2r. Or puis que -le Seigneur testifie, qu'il veult faire miséricorde
à cest eage : pourqùoy luy refuserons-nous le signe qui est
moindre que la chose ? Parquoy nous retournons l'argument
contre eux. Le Baptesme est signe de la remission des péchez.
Les enfans ont remission de leurs péchez. Le signé- donc, qui
30 doibt suyvre la chose, à bon droict leur est communiqué. Hz
produisent ce qui est escrit au cinquiesme des Ephesiens. Que
nostre Seigneur a purgé son Eglise par le lavement d'eaüe
en la parolle de vie. Ce qui fait encores contre eux. Car de cela
nous déduisons telle raison : Si nostre Seigneur veult que la
35 purgation qu'il faict de son Eglise soit testifiée et confermée par
le signe du Baptesme : et les petis enfans sont de l'Eglise : puis
qu'ilz sont comptez au peuple de Dieu : et appartiennent au Royaume
des cieux ; Il s'ensuyt donc qu'ilz doivent recevoir le tesmoignage
de leur purgation, comme le reste de l'Eglise. Car Sàinçt