RELIGION CHRESTIENiNE - Archive ouverte UNIGE

504 CHAPITRE VIII.
c'est par sa puissance qu'on jette les lotz dedens un chappeau,
et qu'on les retire : mais ce qu'il sembloit estre fortuit, ill'attribue
à sa Providence : c'est que le sort tombe en une sorte ou en
l'autre.
5 Ceux qui veulent rendre ceste doctrine odieuse, calumnient
que c'est le paradoxe des Stoïques, que toutes choses adviennent
par nécessité. Ce qui a esté reproché aussi bien à S. Augustin.
Quant à nous : combien que nous ne débattions pas voluntiers pour
les parolles : toutesfois nous ne recevons pas ce vocable, dont
îousoient les Stoïques, à scavoir, Fatum. Tant pour ce qu'il est du
nombre des vocables, desquelz Sainct Paul enseigne de fuyr la
nouvelleté, qu'aussi que noz ennemyz tachent par la hayne du
nom, grever la vérité de Dieu. Quant est de l'opinion, c'est faulsement
et malicieusement, qu'on nous la met sus. Car nous ne
is songeons pas une nécessité, laquelle soit contenue en nature : pour
une conjonction perpétuelle de toutes choses: comme faisoientles
Stoïques. Mais nous constituons Dieu maistre et modérateur de
toutes choses : lequel nous disons dez le commencement avoir,
selon sa sagesse, déterminé ce qu'il devoit faire, et maintenant
so exécuter selon sa puissance tout ce qu'il a délibéré. Dont nous concluons,
que non seulement le ciel, et la terre et toutes creatures
insensibles, sont gouvernées par sa providence : mais aussi les conseilz
et vouloir des hommes : tellement qu'il les dirige au but qu'il
a proposé. Quoy donc: dira quelqu'un, ne se fait-il rien par cas
25 fortuit ou d'adventure? Je respond, que ce a esté tresbien diet à
Basilius Magnus, quand il a escrit, que Fortune et Adventure sont
motz de Payens : desquelz la signification ne doibt point entrer
en un cœur fidèle. Car si toute prospérité est benediction de Dieu:
adversité, sa malediction: il ne reste plus jiul lieu à Fortune, en
30 tout ce qui advient aux hommes. Toutesfois, pource que nostre
Imbécillité succumbe à la haultesse de la Providence de Dieu :
je mettray une distinction pour la soulager. Nous dirons donc,
que combien que toutes choses soient faictes par l'ordonnance
de Dieu : toutesfois qu'elles nous.sont fortuites. Non pas que
35 nous reputions Fortune dominer sur les hommes, pour tourner
hault et bas toutes choses témérairement. Car ceste resverie doibt
estre loing d'un cœur Chrestien. Mais pource que, des choses
qui adviennent, l'ordre, la raison, la fin, et nécessité est le plus
souvent cachée au conseil de Dieu, et ne peut estre com-