RELIGION CHRESTIENiNE - Archive ouverte UNIGE

712 CHAPITRE Hill.
plus viles. S ? il faiet scrupule de boire bon vin, il n'osera après en
paix de sa conscience en boire de poulsé ou ésventé : ne finalement
de l'eauë meilleure ou plus claire que les autres. Brief il
sera mené jusques là, qu'il fera un grand péché de marcher sus un
5 feslu de travers. Car il ne se commence pas icy un legier combat
en la conscience : mais la doubte est^ s'il plaist à Dieu que nous
usions de ces choses, ou que nous n'en usions pas. La Volunté
duquel doibt précéder tous noz conseilz et tous noz faictz. Dont
il est nécessaire, que les uns soient, par desespoir, jettez en confu-
10 sion : les autres, après avoir rejette et chassé toute craincte de Dieu, «
voissent par dessus tous empeschemens, puis qu'ilz ne voyent
point la voye. Car tous ceux qui sont enveloppez en telz doubtes,
quelque part qu'ilz se tournent, ont tousjours devant eux un scan- _ .>
dale de conscience. Je scay bien (dit Sainct Paul) qu'il n'y a rien
is de po[l]lu, sinon à celluy qui estime une chose pollue : car à cestuy- -
la elle est pollue. Par lesquelles parolles il submet toutes choses Rom. Ul
externes à nostre liberté : pourveu quel'asseurance de ceste liberté
soit certaine à noz consciences envers Dieu, Mais si quelque opinion
superstitieuse nous met en scrupule : les choses, qui estoient
20 pures de leur natiiré, nous sont souillées. Pourtant il dit après, '••
Bienheureux est eeluy qui ne se condamne point soymesme, en
ce qu'il approuve. Mais celuy qui fait scrupule de quelque chose
s'il fait celle chose contre son jugement, il est condamné: d'autant
qu'il ne la fait pas en Foy, et tout ce qui n'est de Foy est
23 péché. Ceux qui, enserrez en telz destroictz, néanmoins en osans
toutes choses contre leur conscience, se veulent monstrer hardiz
et courageux, ne se destournent-ilz pas d'autant de Dieu ?
D'autrepart ceux qui sont touchez de plus près de la crainte
de Dieu, comme ilz soyent contreinctz ainsi de faire beaucoup
30 de choses contre leur conscience, ilz cheoient en une horrible ÎJ
crainte et confusion. Tous ceux-là qui ainsi usent des choses,
ou en telle hardiesse contre leur conscience, ou en telle crainte
et confusion, tant les uns que les autres ne receoivent rien
des dons de Dieu avec action de graces : par laquelle seule tou- 1. Tim.i.
35 tesfois (comme tesmoigne Sainct Paul) iceux dons. sont sanctifiez
à nostre usage. J'entens action de grace, procédante
d'urï cœur qui recongnoisse la bonté et libéralité de Dieu en
ses dons. Car plusieurs d'eux entendent bien que les choses,
dont ilz usent, sont biens de Dieu, et louent Dieu en ses cevres :