RELIGION CHRESTIENiNE - Archive ouverte UNIGE

DES CINQ AUTRES CEREMONIES. 671
n'estoient à ce marquez et destinez. L'homme donc ne peut
instituer Sacrement : puis qu'il n'appartient à vertu humaine,
de faire que si grans mystères de Dieu soient cachez soubz choses
tant viles. Il fault que la parolle de Dieu precede, pour faire
5 le Sacrement estre Sacrement.
DE LA CONFIRMATION.
Confirmation, comme on la nomme, est le premier signe,
que la témérité des hommes a forgé de soymesme, et mis en
avant pour Sacrement de Dieu. Les inventeurs ont faict, que
10 sa vertu estoit de conférer le Sainct Esprit, à augmentation de
grace, qui auroit esté donné au Baptesme à innocence : confirmer
au combat ceux qui au Baptesme auroient esté régénérés
à vie. Or ceste Confirmation est aecomplye par unction, et
telle forme de parolles. Je te marque par le signe de la
15 Saincte croix, et confirme par unction de salut, au Nom du
Père, et du Filz, et du Sainct Esprit. Toutes ces choses sont
belles et plaisantes : mais où est la parolle de Dieu ; promettant
icy la presence du Sainct Esprit ? Hz n'en pourraient monstrer
un poinct. Dont nous rendront-ilz donc certains ; que leur
so Chresme soit un vaisseau du Sainct Esprit ? Nous voyons de
l'huyle une liqueur grasse et espesse, et rien plus. La parolle,
dit Sainct Augustin, soit adjoustée à l'élément : etil sera faict
Sacrement. Qu'ilz monstrent donc ceste parolle, s'ilz nous veulent
faire contempler quelque autre chose en l'huyle, que l'huyle
äämesme. S'ilz se recongnoissent, comme il appartient, estre ministres
des Sacremens : il ne seroit mestier de combatre plus longuement.
C'est la premiere reigle d'un ministre de ne rien attenter
sans mandement. Qu'ilz produisent donc quelque mandement,
qu'ilz ayent de ce faire, et je ne feray plus long propoz. Si
30 mandement leur deffault : ilz ne peuvent excuser, que leur faict
ne soit une trop oultrageuse audace. Par mesme raison nostre
Seigneur interroguoit les Pharisiens. Si le Baptesme de
Jean estoit du ciel ou des hommes ? S'ilz eussent respondu des Luc 29.
hommes : il obtenoit qu'il estoit vain et frivole. Si du ciel, ilz
35 estaient contrainctz de recevoir la doctrine de Jean. Parquoy
de peur d'estre trop injurieux contre Jean, ilz n'osèrent confesser
que son Baptesme feust des hommes. Pareillement si la
confirmation est des hommes : il est résolu qu'elle est vaine et
V