RELIGION CHRESTIENiNE - Archive ouverte UNIGE

606 CHAPITRE XI.
aussi père des circonciz : non pas de ceux qui n'ont que la Circoncision,
mais qui ensuyventla Foy qu'il a eue. Ne voyons nous pas
bien comment il les faict pareilz et d'égale dignité ? Car pour le
temps que nostre Seigneur avoit disposé, il a esté père des fidèles
a circonciz : quand la muraille a esté rompue, comme dit l'Apostre,
pour donner entrée au Royaume de Dieu à ceux qui en estoient
forcloz : il a esté faict aussi bien leur père : jasoit qu'ilz ne
feussent circonciz. Car le Baptesme leur est pour Circoncision.
Et ce que Sainct Paul met nottamment, qu'il n'est pas père de
10 ceux qui n^ont autre chose que la Circoncision : c'est pour rabbatre
la vaine confiance des Juifz, qu'ilz avoient aux ceremonies
extérieures. Comme on en pourrait autant dire du Baptesme,
pour confuter l'erreur de ceux qui n'y cerchent que l'eaiie.
Qu'est-ce donc que veult dire autre part l'Apostre ; quand il Rom. 9.
is enseigne que les vrays enfans d'Abraham ne sont point de la
chair : mais que seulement ceux qui sont enfans de la promesse
sont reputez en la semence ? Il semble bien que par ces
motz il veuille conclure, que d'estre descendu de la semence
charnelle d'Abraham ne profiite de rien. Il nous fault icy dili-
20 gemment notter l'intention de Sainct Paul. Car pour monstrer
aux Juifz que la grace de Dieu n'est pas liée à la semence d'Abraham
: et mesmes que ceste cognation charnelle par soy, n'est d'aucune
estime : il leur ameine au neufiesme chapitre des Romains .
Ismaël et Esaii, lesquelz combien qu'ilz descendissent d'Abraham,
25 ont esté rejettez comme estrangers : et la benediction a esté
mise en Isaac et Jacob : dequoy il s'ensuyt ce qu'il conclud après.
C'est que le salut depend de la miséricorde de Dieu : laquelle il
faict à qui bon luy semble. Et pourtant que les Juifz n'ont pas à
se glorifier d'estre l'Eglise de Dieu, s'il? n'obeyssent à sa parolle.
äoNeantmoins après avoir ainsi chastié leur vaine gloire : congnoissant
d'autre part que l'alliance faicte avec Abraham pour
luy et sa semence n'estoit pas de nulle valeur : mais avoit tousjours
son importance : en l'unziesme chapitre il declaire comment
on ne la doibt point contemner, et qu'ilz sont les droictz et pre-
35 miers héritiers de l'Evangile: sinon d'autant que pour leur ingratitude
ilz se rendent indignes : si ne laisse-il toutesfois, quelques in-,
crédules qu'ilz soyent, de les appeller sainctz à cause delà saincte
progenie dont ilz sont descenduz, disant que nous au priz d'eux
ne sommes que avortons, qui avons esté prins pour estre entez