RELIGION CHRESTIENiNE - Archive ouverte UNIGE

DE LA PREDESTINATION. 487
sufQst à salut ; et que l'homme est esleu; à fin de s'addonner à bien
faire ? Gomment donc endurerons-nous ces blasphesmes ; lesquelz
renversent si meschamment tout l'ordre de la Predestination ?
Quand est de l'autre partie, à scavoir qu'ilz disent, que celuy qui
s est reprouvé de Dieu perdroit sa peine en s'appliquant à vivre
purement et en innocence : en cela ilz sont convaincuz de mensonge
impudent. Car dont procéderait telle estude : sinon del'eslection
de Dieu, veu que tous ceux qui sont du nombre des reprouvez,
comme ilz sont instrumens faictz à opprobre, ne cessent deprovoio
quer l'ire de Dieu par crimes infiniz : et confermer par signes evidens
le Jugement de Dieu : qui est décrété contre eulx, tant s'en
fault qu'ilz y resistent en vain. Toutesfois, à fin que la chose soit
myeux esclarcie, il nous fault traicter tant de la vocation des
esleuz, que de l'endurcissement et excec[r]ation des reprouvez.
15 L'élection, laquelle le Seigneur autrement tient cachée en soy,
est en la fin manifestée par sa vocation : laquelle pour ceste cause
j'ay coustume de nommer le tesmoignage d'icelle election. Car Rom. 8.
ceux qu'il a esleuz il les a preordonnez à estre faictz conformes à
l'image de son filz : ceux qu'il a ainsi preordonnez il les a appeliez :
20 et ceux qu'il a appeliez, il les a justifiez pour les glorifier une fois.
Comme ainsi soit, que le Seigneur, en eslisant les siens, les ayt adoptez
pour ses enfans : nous voyons toutesfois qu'il ne viennent point
en possession d'un si grand bien, sinon quand il les appelle,
d'autre part qu'estans appeliez ilz ont desja quelque jouyssance de
23 leur election. Pour laquelle cause S. Paul appelle l'esprit, qu'ilz
receoivent, esprit d'adoption. Item, le sceau et arre de l'héritage
futur : d'autant que par son tesmoignage il conferme et scéelle
en leurs cœurs la certitude de ceste adoption. Le Seigneur donc
choisit pour ses enfans ceux qu'il eslit, et délibère d'estre leur
30Père: mais, en les appellant, -il les introduit en sa famille,
et se communique à eulx. Or l'Escriture, conjoingnant eh telle '
sorte la vocation avec l'eslection : monstre bien par cela, qu'il
n'y fault rien chercher, sinon la miséricorde de Dieu gratuite.
Car si nous demandons lesquelz il appelle : et la
35 raison pourquoy : elle respond, ceux qu'il a esleuz. Or quand
on vient à l'eslection , la seule miséricorde y apparoist de Rom. 9.
toutes pars : selon que porte la sentence de S. Paul, que ce n'est
point ne du veuillant, ne du courant : mais de Dieu ayant
pitié, Et ne fault pas prendre cela, comme on fait commune-