RELIGION CHRESTIENiNE - Archive ouverte UNIGE

594 CHAPITRE XI.
luy Baptesme. Que si le premier Baptesme estoit cassé-et annullé
par l'ignorance de ceux qui l'auroient receu, tellement qu'il
eii faulsist reprendre un autre : les Apostres debvoient estre
rebaptisez les premiers. Lesquelz après leur Baptesme ont esté
5 trois ans qu'ilz n'avoient pas grand'congnoissance de la vraye
doctrine. Et entre nous quelles mers pourroient suffire à réitérer
tant de Baptesmes que nostre Seigneur corrige journellement en
nous d'ignorance?
Or d'autant que nous voyons, l'observation que nous tenons
10 de baptiser les petis enfans, estre impugnée et debatue par
aucuns espritz malings : comme si elle n'avoit point esté instituée
de Dieu : mais inventée nouvellement des hommes, ou
pour le "moins quelques années après le temps des Apostres :
nous avons pensé estre du devoir de nostre office, de confer-
15 mer en eest endroit les consciences imbecilles, et réfuter les
objections mensongères, que pourroient faire telz séducteurs
pour renverser la vérité de Dieu, aux cœurs des simples : qui
ne seroient pas fort exercitez pour respondre à leurs cautelles
et cavilations. Car ilz usent communément d'un argument assez
so favorable en premiere apparence. C'est qu'ilz ne désirent autre
chose, sinon que la parolle de Dieu soit purement gardée et
maintenue en son entier, sans y rien adj ouster ne diminuer,
comme ceux qui premièrement ont esté inventeurs de baptiser
les petis enfans y ont adjousté : y attentans ceste chose sans
25 en avoir aucun commandement. Laquelle raison nous concéderions
estre assez suffisante : s'ilz povoient prouver leur intention
: que ce Baptesme soit procédé de l'invention des hommes :
et non pas de l'ordonnance de Dieu. Mais quand au contraire
nous aurons clairement monstre, que. faulsement et à tort ilz
30 imposent ceste calumnie, de appeller tradition humaine ceste institution
tresbien fondée sur la parolle de Dieu : que reste-il plus,
sinon que ceste couleur, laquelle en vain ilz prétendent, s'en
aille en fumée ?
Or il fault qu'il nous survienne icy de la reigle que nous bail-.
35 le S. Paul, pour avoir la droicte intelligence de l'Escriture. C'est Rom. il
que en l'exposition d'icelle nous suy vions tousjours la proportion
et conformité de la Foy. Qui vault autant à dire, comme s'il
nous commandoit d'avoir l'œil dressé à ce but, de raporter tout
ce qui nous est enseigné en l'Escriture, à la doctrine de la Foy :