RELIGION CHRESTIENiNE - Archive ouverte UNIGE

486 CHAPITRE VIII.
gneur donc peut aussi bien donner grace à qui il veult, pource
qu'il est miséricordieux : et ne la donner pas à tous, pource qu'il
est juste Juge. En donnant à aucuns ce qu'ilz ne méritent point,
il peut demonstrer sa grace gratuite : en ne le donnant point à
s tous, demonstrer ce que tous méritent.
Les adversaires de vérité usent encore d'une autre calumnie •
pour renverser la Predestination. C'est que quand elle est establie
: toute solicitude et cure de bien vivre est abbatue. Car qui
sera celuy, disent-ilz, lequel oyant que la mort ou la vie luv est
10 desja décrétée par le conseil immuable de Dieu ; n'ayt incontinent
ceste pensée en l'entendement : qu'il ne peult challoir comment
ilz vivent veu que la Predestination de Dieu ne peult estre empeschée
ne advancée par ses œuvres ? Ainsi chascun s'abandonnera :
et se laissera transporter desordonnement par tout où sa cupidité
)5 le mènera. Ceste allegation n'est point du toutfaulse : car il y a
d'aucuns pourceaux, qui fouillent la Predestination de Dieu de
telz blasphemes : et soubz ceste couverture se moquent de toutes
admonitions et remonstrances. Dieu scayt bien ce qu'il a délibéré
de faire une fois de nous. S'il a déterminé de nous sauver : il nous
20 conduira à salut en son temps : s'il a déterminé de nous damner :
nous nous tormenterions en vain pour nous sauver. Mais l'Escriture,
en remonstrant combien nous devons en plus grande reverence
et crainte penser de ce mystère, instruit les enfans de Dieu à
un sens bien divers : et condemne la meschante audace et rage de
25 telle manière de gens. Car elle ne nous parle pas de la Predestination,
pour nous enfler de témérité oupour nous inciter à espelucher
par une hardiesse illicite les secretz inaccessibles de Dieu :
mais plustost à ce, qu'en humilité et modestie, nous apprenions de
craindre son Jugement, et magnifier sa miséricorde. Pourtant tous
30 fidèles tendront à ce but. Le grondement de ces pourceaux est
bien rabatu par Sainct Paul. Ilz disent qu'ilz ne se soucient de
vivre dissoluëment, à cause que s'ilz sont du nombre des esleuz,
leurs vices ne les empescheront point de parvenir à salut. Mais
aucontraire, Sainct Paul enseigne, que la fin de nostre eslection Ephe. i.
38 est, à ce que nous menions vie saincte et irrépréhensible. Si le
but de nostre eslection est, de sainctement vivre : elle nous doibt
plustost poulser et stimuler à méditer saincteté, qu'à cercher
couverture de nonchallance. Car combien ces deux choses sont
elles différentes ? ne se soucyer de bien faire ; pource que l'eslection