RELIGION CHRESTIENiNE - Archive ouverte UNIGE

694 CHAPITRE XIU.
ture : laquelle ne recongnoist autre ministre de l'Eglise, sinon
celuy qui est messagier de la parolle de Dieu, appelle pour gou- Act. 20.
verner l'Eglise, lequel elle nomme maintenant Evesque, mainte- Act. iL
nant Ancien, aucunesfois Pasteur. S'ilz répliquent aucontraire, 1.Pier.5.
s qu'il est deffendu par les Canons, de non admettre aucun aux
ordres sans tiltre : cela ne m'est pas incongneu, mais je n'accepte
point les tiltres qu'ilz prétendent, pour legitimes. La plus grande
partie de leurs tiltres ne sont-ce pas Dignitez ; offices ; Prevostez ;
Chanoineries ; Prébendes ; Chappellenies ; Priorez et moyneries ?
îo Lesquelz sont en partie prins des Eglises Cathedralles ; en partie
des Collegialles ; en partie des cloistres ; en partie de maisons
ruynéez et destruictes ? Lesquelz sieges [je ne] prendz que pour
bordeaux de Satan : et l'ose hardiment affermer. Car toutes telles
manières de gens à quel mestier sont-ilz ordonnez ; sinon pour
is sacrifier et immoler Jesus Christ? Brief ilz n'en ordonnent pas un
sinon pour sacrifier : qui n'est pas le consacrer à Dieu : mays le
dédier aux Diables. Au contraire la vraye et seule ordination est,
de appeler au gouvernement de l'Eglise celuy, duquel la vie et la
doctrine aura esté bien esprouvée : et colloquer iceluy audict
so office. Selon lequel sens, il fault prendre les lieux de Sainct Paul
cy dessus mis. Combien qu'ilz contienent avec la vocation, la cérémonie
d'icelle. Mais touchant de la cérémonie, nous en dirons
cy après en son lieu. Maintenant traictons ce que nous avons
en main : C'est àscavoir par qui les ministres de l'Eglise doivent
25 estre ordonnez c'est-à-dire constituez en leur estât. Que dironsnous
donc ? Sainct Paul donnoit-il à Timotée et à Tite les
droictz des collations ; que se attribuent maintenant les Princes
mittrez ? Certes il ne faisoit rien moins. Mais comme ainsi
feust, qu'il leur eust donné à tous deux-- charge de constituer et
30 ordonner les Eglises des Provinces, ausquelles il les avoit laissez
; il exhorte l'un de ne souffrir que les Eglises demeurent
privées de Pasteurs : et admoneste l'autre, de n'en recevoir aucun
sinon qu'il soit bien esprouvé. Paul et Barnabas conferoient-ilz
les possessions des Eglises, comme feroient maintenant les Metro-
3spolitains et Archevesques ? Certes nenny. D'avantage je n'estime
pas qu'ilz ayent mis ceux que bon leur sembloit sur les Eglises,
sans les en avoir advertiz, et avoir entendu leur vouloir : mais je
pense que ayant communiqué leur conseil avec icelles Eglises
et ayans entendu leur advis, ilz y commettoient ceux, qu'ilz