RELIGION CHRESTIENiNE - Archive ouverte UNIGE

886 CHAPITRE xr.
lé sacrifice aggreable au Père, estre Propitiateur, estre Salvateur.
Que pouvoient les Apostres plus adjouster à ceste confession?
Certes rien. Car elle est pleine et entière. Pourtant que nul
ne se troub[l]e,de ce que les Anciens s'efforcent de distinguer un
s Baptesme de l'autre. Car leur auctorité ne nous dôibt point estre
de si grande Foy, qu'elle face vacciler la raison de l'Escriture,
Qui est-ce qui accordera plustost avec Chrysostome ; nyant que
la remission des péchez ayt esté comprinse soubz le Baptesme Lue 3.
de S. Jean ; que avec S. Luc affermant le contraire ; que Jean a
io presche le Baptesme de penitence en la remission des péchez ?
Que si quelqu'un y cerche difference par la parolle de Dieu : il
n'y en trouvera nulle autre, sinon que Jean Baptisoit au nom de
celuy qui devoit venir : les Apostres au Nom de celuy qui [sj'estoit
desja manifesté. Ce que les graces du S. Esprit ont esté plus abon-
15 damment eslargies après la resurrection, cela ne faict rien pour establir
quelque diversité entre les Baptesmes. Car le Baptesme, que
distribuoient les Apostres, du temps qu'il conversoit encores en
terre, estoit renommé de luy : et neantmoins n'avoit point plus
grand' abondance de l'Esprit que le Baptesme de. Jean. Etmesmes Actes 8.
20 après l'Ascension, les Samaritains, combien qu'ilz soyent baptisez
au nom de Jesus, ne receoivent point autres graces qu'avoient receu
les fidèles au temps precedent, jusques à ce que Pierre et Jean
leur sont envoyez pour leur imposer les mains. Ce que les Anciens
ont estimé que le Baptesme de Jean n'estoit qu'une preparation à
23 celuy de Christ : je pense qu'ilz se sont abusez de ce qu'ilz lisoient
ceux qui avoient receu le Baptesme de Jean avoir esté de rechef
baptisez par S. Paul. Mais combien leur intelligence a esté faulse, Act. 19.
il apparoistra cy après. Qu'est-ce donc que Jean dit ; que luy il
baptise en eaiie ; mais que Jesus Christ devoit venir ; qui baptise-
30roit au S. Esprit et en feu? Cecy peut estre brièvement déclaré. Mat.3.
Car il n'a pas voulu distinguer l'un des Baptesmes de l'autre : mais Luc 3.
il a faict comparaison de sa personne à celle de Jesus Christ. Et
s'est diet estre Ministre de l'eaiie : et Jesus estre le donateur du
S. Esprit. Et qu'il declareroit ceste vertu par miracle visible,
33 au jour qu'il envoyeroitle S. Esprit à ses Apostres soubz langues
de feu. Que se sont peu attribuer les Apostres oultre ce ? Et que
se pourraient aussi d'avantage attribuer ceux qui baptisent encores
au jour d'huy ? Car ilz sont tous seulement Ministres du signe
extérieur : mais Jesus Christ est autheur de la grace intérieure.