RELIGION CHRESTIENiNE - Archive ouverte UNIGE

DES CINQ AUTRES CEREMONIES.
s'appellent Prestres. Celliiy est Evesque, lequel estant appelle
au ministère de la parolle et des Sacremens, execute fidèlement
son mandement. Je appelle indiferemment Prestres et Evesques,
les ministres de l'Eglise. L'ordre est icelle vocation.
5 II est maintenant expedient de monstrer, quel est le moyen
de la vocation. Ce qui consiste en deux choses. Premièrement
que nous entendions, par qui doivent estre instituez les Evesques
ou Prestres. Secondement en quelle cérémonie ilz doivent
estre ordonnez.Touchant du premier, qui est de scavoirceux qui
10 doivent instituer les Evesques, nous n'en povons avoir certain
enseignement par l'institution des Apostres : lesquelz ne attendans
point d'estre appeliez par les hommes, mais estans seulement
garniz du mandement de Dieu, ont mis la main à l'œuvre.
Et ne nous appert pas du tout, quel ordre y ont tenu les Apos-
15 très mesmes, en instituant les autres : sinon que S. Paul, au lieu
qu'avons nagueres allégué, dit, qu'il a laissé Tite en Crete,
pour ordonner des Evesques par les villes. Et autre part il ad- L TU. i.
moneste Timotée, de ne imposer la main legierement à aucun. i.Tim.S.
Et Sainct Luc recite aux Actes, que Paul et Barnabas constitue- Act. ii.
20 rent des Anciens en chascunes Eglises de Listrie, Iconie, et Antioche.
Ces passages sont fort alléguez des Prelatz mittrez : comme
ilz ont coustume de bien notter tout ce qui leur semble faire
à leur proffît. Car de ce ilz infèrent, que la puissance d'ordonner
et consacrer Prestres (comme ilz parlent) est donnée à eux seule-
25 ment. Et pour rendre leur consecration venerable par quelque
montre et apparence auxignorans, ilz l'ont fardée par force ceremonies.
Mais ilz sont abusez, de penser que ordonner et consacrer
soit autre chose, sinon de constituer un Evesque ou Pasteur,
sur quelque Eglise : s'ilz veulent leur consecration estre confor-
30 me à la reigle de Sainct Paul. Et s'ilz en usent autrement, c'est
une calumnie à eux, de tirer ces passages à leur phantasie. Et
de vray, ilz font bien autrement : Car ilz n'ordonnent pa[s] pour
Evesques ceux qui consacrent : mais pour Prestres. Nous les
assignons (disent-ilz) en ce faisant, au service de l'Eglise. Mais
35 qu'estiment-ilz le service de l'Eglise estre, sinon le ministère
de la parolle ? Je scay bien qu'ilz chantent continuellement
ceste chanson : que leurs Prestrailles sont ministres de l'Eglise.
Mais ilz ne le feront jamais à croire à homme de bon entendement.
Et mesmes ilz sont convaincuz par la vérité de l'Escri-
693