RELIGION CHRESTIENiNE - Archive ouverte UNIGE

DES CINQ AUTRES CEREMONIES. 689
de propoz délibéré ilz se desmettent de ce qui appartient à leur
charge, quand ilz en receoivent le tiltre. Voilà pourquoy il leur
est nécessaire d'estre ordonnez à telz Sacremens, et recevoir le
Sainct Esprit : c'est à scavoir pour ne rien faire. S'ilz allèguent
5 que ceste est la perversité du temps present, qu'ilz délaissent et
mesprisent leur devoir il fault que pareillement ilz confessent
qu'il n'y a nul fruit n'usage aujourd'huy en l'Eglise de leurs sacrez
Ordres : lesquelz ilz exaltent merveilleusement, et que toute leur
Eglise est pleine de malediction, puis qu'elle laisse manier aux
10 laicz et aux enfans les cierges et burettes : de l'attouchement desquelz
nul n'est digne, sinon celuy qui est consacré en Acolythe :
quand elle renvoyé les chanteries aux enfans, lesquelles ne se doivent
faire que de bouche consacrée. Des Exorcistes en quelle fin
les consacrent-ilz? J'entend bien que les Juifz ont eu leurs Exor-
15 cistes, mais je voy qu'ilz avoient leurs noms des exorcismes les- Act. 49.
quelz, ilz exerceroient. Mais qui est-ce qui jamais a ouy parler ;
que ces Exorcistes contrefaictz ayent jamais faict un chef d'œuvre
de leur profession ? Ilz font semblant qu'ilz ont puissance d'imposer
les mains sur les enragez, infidèles et demoniacles : mais ilz
20 ne peuvent persuader aux Diables qu'ilz ayent telle puissance.
Non pas seulement pourtant que les Diables ne succombent point
à leurs commandemens : mais aussi qu'ilz ont puissance sur eux.
Car à grand peine en trouveroit-on de dix l'un, qui ne soit agité
du maling esprit. Parquoy tout ce qu'ilz babillent de leurs petis
25 ordres, soit qu'ilz en comptent cinq ou six, est forgé de mensonge
et ignorance. Soubz lesquelz jecomprens le degré de Soubzdiacre:
combien qu'il ayt esté translaté auxgrandz, depuis que ceste multitude
des petis a esté engendrée. Certes il est evident, qu'on ne Au 4. des
les doibt tenir pour Sacremens : veu que parleur confession mes- ~j: n r ,'
3o me, ilz ont esté incongneuz à l'Eglise primitive, et inventez plu- 8.
sieurs années après. Or puis que les Sacremens doivent avoir
promesse de Dieu : ilz ne se peuvent instituer ne d'Anges ne
d'hommes, mais d'un seul Dieu : auquel seul convient donner la
promesse. Il semble avis qu'ilz ayent tesmoignage de la parolle
35 de Dieu pour les deux autres, et pourtant par singulière prerogative
ilz les appellent spécialement ordres sacrez. Mais il fault
voir comment ilz abusent perversement à cela, de l'Escriture.
Nous commencerons à l'ordre de Prestrise. Je prens ce nom
icy selon l'usage accoustumé en francoys : c'est à dire qu'il
Institution. 44