RELIGION CHRESTIENiNE - Archive ouverte UNIGE

480 CHAPITRE Vtlî.
démens de tout le monde, s'ilz veulent entrer jusques là. Mais ne
seroit-ce pas chose trop desraisonnable; de vouloir submettre les
œuvres de Dieu à ceste condition ; que quand nous n'en pourrons
entendre la raison, nous les osions vitupérer ? Qu'il y vienne donc
5 quelque Manichéen ouCelestin, ou autre Hérétique, pourcalumnier
la providence de Dieu. Je dy avec S. Paul, qu'il n'estpasmestierd'en
rendre la raison : veu que par sa grandeur elle surmonte
du tout nostre intelligence. Quelle absurdité y a-il en cela? vouldront-ilz
la puissance de Dieu estre tellement limitée ; qu'il ne
îo puisse rien faire d'avantage : que ce que nostre esprit pourra comprendre?
Je dy avec Sainct Augustin que Dieu en a créez d'aucuns,
lesquelzil prevoyoit devoir aller en perdition éternelle : et que cela
a esté faict pource qu'il l'a voulu. Or pourquoy il l'a voulu, ce
n'est pas à nous d'en demander la raison : veu que nous ne la pou-
15 vons comprendre. Et d'autrepart il ne convient pas, que nous disputions
si la volunté de Dieu, est juste ou non : de laquelle, quand
on parle, il fault entendre soubz le nom d'icelle, une reigle infaillible
de justice. Qu'est-ce donc qu'on.fait doubte, s'il y a iniquité,
là où la justice apparoist clairement ? Que nous n'ayons donc point
so de honte de fermer la bouche des iniques à la manière de Sainct
Paul : et toütesfois et quantes qu'ilz oseront abbayer comme chiens,
de répliquer en l'encontre : Qui estes-vous povres miserables ;
qui intentez accusation contre Dieu ; n'ayans autre cause ; sinon
pource qu'il n'a point abbaissé la grandeur de ses œuvres ; à
äsvostre rudesse, comme si ce qu'il fait estoit inique; d'autant
qu'il nous est caché? Nous ne proffiterons de rien en passant
plus oultre : car nous ne satisferons point à leur petulence. Et
d'autrepart Dieu n'a pas affaire d'autre deffence que de celle dont
il a usé par son Esprit, parlant par la bouche de Sainct Paul.
30 Et qui plus est, nous desaprenons de bien parler, quand nous ne
parlons point selon Dieu.
Il y a une autre objection que fait l'impiété : laquelle toutesfois
ne tend pas tant à blasmer Dieu, qu'à excuser le pécheur.
Combien que à dire vray, le pécheur ne se puisse justifier sans
3D ignominie du Juge. Toutesfois voyons quelle elle est. Pourquoy,
disent-ilz. Dieu imputeroit-il à vice aux hommes les choses; desquelles
il leur a imposé nécessité par sa Predestination? Car
que pourroient-ilz faire ? resisteroient-ilz à ses decretz ? mais
ce seroit en vain : et mesme ilz ne le peuvent faire du tout.