RELIGION CHRESTIENiNE - Archive ouverte UNIGE

578 - CHAPITRE X.
Ces Sacremens mesmes aussi ont esté divers, selon la dispensation
du temps : par laquelle il a pieu au Seigneur se reveler
et manifester aux hommes en diverses manières. Car à Abraham
et sa postérité, la Circoncision fust commandée : à laquelle Gene. /?
5 après par la loy Mosaïque furent adjoustez les ablutions et sacrifices.
Ceux ont esté les Sacremens des Juifz, jusques à l'advenement
de nostre Seigneur Jesus Christ. Ausquelz ceux là ont
esté aboliz, et deux autres instituez : desquelz l'Eglise Chres- Malt. 2i
tienne use maintenant : c'est à scavoir le Baptesme, et la Cène Matt. M
10 du Seigneur. Combien que les Anciens Sacremens des . Juifz
ayent tendu à une mesme fin et à un mesme but, que font aussi
maintenant les deux nostres : c'est à dire de envoyer et conduire
à Jesus Christ : ou plustost, comme images, de le représenter
et donner à congnoistre. Car puis que (comme nous avons
is desja devant monstre) Sacremens sont comme seaux, desquelz
les promesses de Dieu sont séellées : et qu'il est certain que
nulle promesse de Dieu n'a esté faicte aux hommes sinon en
Jesus Christ : il fault nécessairement, que les Sacremens, pour
nous enseigner et admonester des promesses de Dieu, nous
20 monstrent Jesus Christ.
Il y a seulement une difference entre ces Sacremens anciens
et nouveaux. C'est, que ceux là ont préfiguré le Christ promis,
quand encores l'on l'attendoit à venir : et les nostres
nouveaux tesmoignent et enseignent qu'il a desja esté donné et
îsexibé.
Quand toutes ces choses auront esté declairées chascune
àpart, elles en seront beaucoup plus clairement entendues.
^Premièrement la Circoncision estoit aux Juifz un signe, pour
les admonester que tout ce qui provient de la semence d'homme,
3o c'est à dire toute la nature de l'homm%, est corrumpue : et qu'elle
a besoing d'estre circoncise et taillée. D'avantage elle leur estoit
Une certification et souvenance pour les confirmer en la promesse
faicte à Abraham, de la semence beneiste: en laquelle dévoient Gene.%
estre beneistes toutes les nations de la terre : et de laquelle ilz
35dévoient aussi attendre leur benediction. Or ceste semence salutaire,
ainsi que nous enseigne Sainct Paul, estoit Jesus Christ : Galla.i
auquel seul ilz esperoient recouvrer ce qu'ilz avoient perdu en
Adam. Parquoy la Circoncision leur estoit, ce que Sainct Rom.i
Paul dit qu'elle avoit esté à Abraham : c'est à dire un séel de