RELIGION CHRESTIENiNE - Archive ouverte UNIGE

DU BAPTESME.'
385:
Finalement nostre Foy receoit aussi ceste consolation du Baptesme,
que non seulement il nous certiffie que nous sommes entez
en la mort et la vie de Jesus Christ : mais que nous sommes
tellement uniz à luy, qu'il nous faict participans de tous ses
s biens. Gar pour ceste cause il a dedyé et sanctifié le Baptesme
en son corps : à fin que ce feust un ferme lyen de la société et
union, laquelle il a voulu avoir avec nous. Tellement que Sainct
Paul prouve que nous sommes enfans de Dieu, d'autant que par
le Baptesme nous avons vestu Christ. Ainsi voyons-nous que Galat.4.
io l'accomplissement du Baptesme est en luy. Pour laquelle raison
nous le nommons le propre object et le but, auquel le Baptesme
regarde. Parquoy ce n'est point de merveilles, si les Apôstres
ont baptisé en son Nom : combien qu'ilz eussent eu le commandement
de baptiser aussi au Nom du Père et du Filz, et du Sainct
is Esprit. Car tout ce qui est proposé au Baptesme des dons de Dieu,
est trouvé en un seul Christ. Neantmoins il-ne se peut faire, que
celuy qui baptise au Nom de Christ, n'invoque pareillement le
Nom du Père et du Filz et du Sainct Esprit. Car ce que nous avons
nostre purgation au sang de Christ : c'est pourtant que le Père,
au voulant espandre sa bonté et clémence, [s]'est reconcilié à nous par
luy. Et lors nous obtenons nostre regeneration en sa mort et sa
vie : si par la sanctification de l'Esprit, il y aune nouvelle nature
spirituelle édifiée en nous. Parquoy la cause, tant de nostre purga
ion que de nostre regeneration, se doit recongnoistre estre en
as Dieu le Père : la matière, au Filz : l'efficace, au Sainct Esprit.
Ainsi premièrement Sainct Jean, et puis après les Apôstres Mat.3.
ont baptisé du Baptesme de penitence, en la remission des Luc 3.
péchez : entendans par ce mot de Penitence, la regeneration : Jean 2. et
et par la remission des péchez, l'ablution. Parquoy aussi il . '^ g
so nous est faict trescertain, que ce a esté entièrement une mesme
administration de baptesme, celle de Sainct Jean, et celle
qui depuis feust donnée aux Apôstres. Car le Baptesme n'est
point faict divers, pource qu'il est administré de diverses
mains : mais une mesme doctrine faict estre un mesme Baptes-
35 me. Sainct Jean et les Apôstres ont consenty et accordé en une
mesme doctrine : ilz ont tous baptisé en penitence : tous en
la remission des péchez. S. Jean a diet Jesus Christ estre Jean i.
l'Agneau de Dieu, par lequel estoient ostez et effacez les péchez
du monde. En quöy il a confessé, advoué et tesmoigné estre