RELIGION CHRESTIENiNE - Archive ouverte UNIGE

DE LA LIBERTÉ CHRESTIENNE. 715
la conscience est délivrée : à laquelle estoit dèu le fruict de ceste
liberté. Combien donc qu'il se abstint de menger chair tout le
reste de sa vie, et que jamais il ne usastque d'une couleur en ses
-• vestemens : il n'en est de rien moins libre. Et mesmes en cela il
5 est libre, que d'une conscience libre il s'en abstient. Or telle manière
de gens, que nous avons diet, faillent tresdangereusement
en cela, qu'ilz ne tiennent compte de l'infirmité de leur frère :
laquelle doibt estre tellement soulagée de nous, que nous ne facions
rien légèrement dont elle soit scandalisée. Mais quelqu'un
10 dira, que aucunesfois il est convenable demonstrer nostre liberté
devant les hommes. Je confesse aussi ce point. Mais il fault avec
une grande diligence y tenir moyen : tellement que nous ne contemnions
point d'avoir soing des infirmes^ lesquelz nostre Seigneur
nous a singulièrement recommandez. Je diray donc icy quelque
is chose des scandales, comment on les doibt discerner, desquelz on
se doibt garder, lesquelz on peut mespriser : dont chascun se puisse
resouldre, quelle il peut avoir sa liberté entre les hommes.
Or il nous fault observer la distinction commune, laquelle dit,
qu'il y a une manière de scandale qui se donne, l'autre qui
20 se prend : vèu que icelle distinction ha evident tesmoignage de
l'Escriture, et exprime assez proprement ce qu'elle veult dire.
Si quelqu'un donc, par une legiereté, intenperance, ou témérité
indiscrete : en temps ou en lieu importun fait quelque chose,
dont les imbecilles et rudes soyent scandalisez : on pourra
25 dire qu'il aura donné scandale : puis qu'il a esté faict par sa
faulte que tel scandale s'est esmeu. Et du tout on peut dire que
scandale est donné en quelque chose : quand la faulte provient
de l'autheur dé la chose. On appelle scandale prins, quand quelque
chose, qui n'estoit point intemperamment ne indiscrete-
30 ment faicte : neantmoins par la meuvaistié et malice des autres
est tirée en occasion de scandale. Gar icy le scandale n'estoit
point donné : mais les iniques, sans cause, le prennent. Du
premier genre de scandale, il n'y a que les imbecilles offensez.
Du secont s'offensent ceux, qui par leur fascheuse rigueur
35 ont tousjours à mordre et à reprendre. Pourtant nous en appellerons
un, scandale des infirmes : l'autre, des Pharisiens. Et tempérerons
et moyennerons tellement l'usaige de nostre liberté,
qu'il cede et obéisse à l'ignorance de noz frères infirmes, non pas
à la rigueur des Pharisiens. Gar S. Paul monstre amplement en