RELIGION CHRESTIENiNE - Archive ouverte UNIGE

DU BAPTESME. 619
aura disposé, pour leur en donner la- congnoissance.
Surtout, pour faire leur grand bouclier, et comme la principale
forteresse de leur opinion, ilz allèguent la premiere institution
du Baptesme : laquelle ilz disent avoir esté faicte par les parolles
sescrites au dernier de Sainct Matthieu. Allez, instruisez toutes
• nations, les baptisant au Nom du Père et du Filz et du Sainct
Esprit, les enseignant de garder tout ce que je vous ay commandé.
A quoy ilz joingnentce passage du dernier de Sainct Marc. Qui
croira et sera baptisé, il sera sauvé. Voilà, disent-ilz, comment
10 nostre Seigneur commande d'instruire devant que baptiser, et
monstre que la Foy doibt précéder le Baptesme. Et de faict nostre
Seigneur a bien monstre cela par son exemple : lequel n'a
point esté baptisé jusques à l'eage de trente ans. A cest endroit
ilz faillent en beaucoup de sortes. Car c'est un erreur trop evi-
15 dent, de dire que le Baptesme ayt esté lors premièrement institué
: lequel avoit duré tout le temps de la predication de Jesus
Christ. Puis donc qu'il avoit esté institué, devant qu'estre en
usage : comment dirons-nous que si long temps après ; la première
institution en ayt esté faicte? Parquoy c'est en vain qu'ilz tachent
20 de prendre la premiere ordonnance pour nous limiter la doctrine
du Baptesme à ce passage précisément. Toutesfois laissant là
ceste faulte, considérons combien sont fortes leurs raisons. Or
elles ne le sont pas tant que n'en pensions bien eschapper, s'il
estoit mestier de tergiverser. Car puis qu'ilz seftmdent si estroic-
25 tement sur l'ordre et la disposition des motz : pretendantz qu'il
fault. instruire premièrement que baptiser : et croire premièrement
que recevoir le Baptesme : pource qu'il est diet, instruisez
et baptisez. Item, Qui croira et sera baptisé. Par mesme raison
il nous seroit loisible de répliquer, qu'il fault baptiser devant
3o qu'enseigner à garder les choses que Jesus a commandées :
veu qu'il est diet, Baptisez, les enseignant de garder tout ce
que je vous ay commandé. Et que sera-ce, si leur exposition est
receüe du passage de Sainct Jean, n'agueres allégué ; qu'il
faille entendre du Baptesme ce qui est diet de regeneration
35 d'eaüe ? Ne leurs prouverons-nous pas bien ainsi, que le
Baptesme devrait précéder la regeneration spirituelle ; puis
qu'il est nommé devant ? Car il n'est pas diet, Qui sera
régénéré d'Esprit et d'eaüe : mais d'eaüe et d'Esprit. Leur
argument semble desjà adviz aucunement abatu. Enquores