RELIGION CHRESTIENiNE - Archive ouverte UNIGE

DE LA VIE CHRESTIENNE. 807
En cela apparoist sa joye et lyesse, si estant navré de tristesse
et douleur, acquiesce neantmoins en la consolation spirituelle de
Dieu.
Ce combat, que soustiennent les fidèles contre le sentiment
5 naturel de douleur, en suyvant patience et moderation, est trèsbien
descript pnr Sainct Paul, en ces parolles. Nous endurons
tribulation en toutes choses : mais nous ne sommes point 2. Cor. A.
en destresse. Nous endurons povreté : mais nous ne sommes point
destituez. Nous endurons persecution : mais nous ne sommes
10 point abandonnez : nous sommes comme abattiz : mais nous ne
périssons point. Nous voyons que porter patiemment la croix,
n'est pas estre du tout stupide, et ne sentir douleur aucune, comme
les Philosophes Stoïques ont folement descript le temps passé un
homme magnanime, lequel ayant despouillé son humanité, ne
is feust autrement touché d'adversité que de prospérité, ne autrement
de choses tristes que de joyeuses : ou plustost qu'il feust
sans sentiment comme une pierre. Et qu'ont-ilz profité avec ceste
si haulte sagesse ? C'est qu'ilz ont despaind un Simulacre de patience,
lequel n'a jamais esté trouvé entre les hommes, et n'y peut
so estre du tout : et mesmes en voulant avoir une patience trop
exquise, ilz ont osté l'usage d'icelle entre les hommes. Il y en
a aussi maintenant entre les Chrestiens de semblables : lesquelz
pensent que ce soit vice, non seulement de gémir et pleurer, mais
aussi de se contrister et estre en solicitude. Ces opinions sauvages
as procèdent quasi de gens oisifz : lesquelz s'exercent plustost à spéculer,
qu'à mettre la main à l'œuvre, ne peuvent engendrer autre
chose, que telles phantasies. De nostre part, nous n'avons que
faire de ceste si dure et rigoureuse Philosophie: laquelle nostre Seigneur
Jesus a condamnée, non seulement de parolles, mais aussi
3o par son exemple. Car il a gemy et pleuré tant pour sa propre doleur
qu'en ayant pitié des autres : et n'a pas autrement aprins ses
disciples de faire. Le monde, dict-il, s'esjoyra : et vous serez
en tristesse : il rira, et vous pleurerez. Et à fin qu'on ne tournast
cela à vice, il prononce ceux qui pleurent estre bien heureux.
35 Ce qui n'est point de merveille. Car si on reprouve toutes
larmes : que jugerons-nous du Seigneur Jesus ; du corps duquel
sont distilées goustes de sang? Si on taxe d'incrédulité tout
espovantement : qu'estimerons-nous de l'horreur, dont il
feust si merveilleusement estonné ? Comme approuverons-nous