RELIGION CHRESTIENiNE - Archive ouverte UNIGE

DE LA CENE
DU SEIGNEUR.
CHAP. XII.
L'AUTRE Sacrement donné et institué à l'Eglise Chrestienne,
est le pain sanctifié au corps de Nostre Seigneur Jesus Christ,
et le vin sanctifié en son sang : comme les Anciens ont cousiume
de parler. Et nous l'appelions ou la Cène du Seigneur, ou
5 Eucharistie : pourtant qu'en iceluy nous sommes spirituellement
repeuz et nourriz par la bénignité de nostre Seigneur :* et de
nostre part nous luy rendons graces de sa beneficence. La promesse
qui nous y est donnée, monstre clairement, à quelle fin il
a esté institué, et à quoy il tend. C'est à ce qu'il nous' asseure
10 et confirme que le corps de nostre Seigneur Jesus Christ a tellement
esté une fois livré pour nous, qu'il est maintenant nostre,
et qu'il le sera perpétuellement. Aussi que son sang a tellement
esté une fois espàndu pour nous, qu'il est et sera tousjours
nostre. Parquoy est de rechef confute et convaincu l'er-
15 reur de ceux qui ont osé nyer les Sacremens estre exercice de
la Foy, donnez pour la conserver, soubzlever, conforter et augmenter.
Car les parolles du Seigneur sont : Ceste couppe est Luc 22.
le nouveau Testament en mon sang. C'est à dire, une enseigne I .CorJ I.
et tesmoignage de promesse. Et quelque part qu'il y a pro-
20 messe, la Foy y ha sur quoy s'appuyer, enquy se consoler,
dequoy se conforter.
Noz âmes peuvent prendre et recueillir de ce Sacrement
une grande doulceur et fruict de consolation. C'est que nous
recongnoissons Jesus Christ estre tellement incorporé en nous,
25 et nous aussi en luy, que tout ce qui est sien, nous le
povons appeller nostre : et tout ce qui est nostre, nous le
povons nommer sien. Parquoy nous nous osons promettre
assurément que la vie éternelle est nostre, et que le
Royaume des cieux ne nous peut faillir, non plus que à Jesus
3° Christ mesme. D'autrepart que par noz péchez ne povons estre
Institution. 40