RELIGION CHRESTIENiNE - Archive ouverte UNIGE

BU GOUVERNEMENT CIVIL. 767
et pieté : et l'autre, d'estre conjoinctz avec nostre prochain par
vraye dilection ; à ceste cause elle est la vraye et éternelle reigle
de justice, ordonnée à tous hommes, en quelque pais qu'ilz soient,
ou en quelque temps qu'ilz vivent, s'ilz veulent reigler leur vie à
5 la volunté de Dieu. Car ceste est sa volunté éternelle et immuable,
qu'il soit honoré de nous tous : et que nous nous aymons mutuellement
l'un l'autre. La loy ceremoniale a esté une pédagogie des Gala.3. et
Juifz : c'est à dire doctrine puerile : laquelle il a pieu à nostre
Seigneur de donner à icelluy peuple, comme une exercitation
10 de son enfance, Jusques à ce que le temps de plenitude vinst : auquel
il manifestât des choses qui estoient lors figurées en umbre.
La loy judiciale, qui leur estoit baillée pour police, leur enseignoit
certaines reigles de justice et d'équité : pour vivre paisiblement
ensemble, sans faire nuysanceles uns aux autres. Or comme l'exer-
15 citation des ceremonies appartenoit à la doctrine de pieté, qui est
le premier poinct de la loy morale, d'autant quelle nourrissoit
l'Eglise judaïque en la reverence de Dieu : toutesfois elle estoit
distincte de la vraye pieté. Aussi pareillement, combien que leur
loy judiciaire ne tendist à autre fin que à la conservation d'icelle
äo mesme charité qui est commandée en la Loy de Dieu : toutesfois
elle avoit sa propriété distincte, qui n'estoit pas comprinse soubz
le commandement de charité. Comme donc les ceremonies
ont esté abroguées, la vraye Religion et pieté demeurant en
son entier : aussi lesdictes loix judiciaires peuvent estre cassées
25 et abolies, sans violer aucunement le devoir de charité. Or si
cela est vray (comme certainement il est) la liberté est laissée à
toutes nations de se faire telles loix qu'ilz adviseront leur estre
expedientes : lesquelles neantmoins soient compassées à la reigle
éternelle de charité : tellement que ayans seulement diverse for-
3o me, elles viennent à un mesme but. Car je ne suis point d'advis,
qu'on doive reputer pour loix je ne scay quelles loix barbares
et bestiales : comme estoient celles qui rémunéraient les
larrons par certain pris : qui permettoient indifféremment la
compaignie d'hommes et de femmes : et autres encores plus vi-
35 laines, oultrageuses, et exécrables : veu qu'elles sont estranges
non seulement de toute justice : mais aussi de toute humanité.
Ce que j'ay diet s'entendra clairement : si en toutes loix nous
contemplons les deux choses qui s'ensuivent. C'est à scavoir,
l'ordonnance de la loy : et l'équité^ sur la raison de laquelle est