RELIGION CHRESTIENiNE - Archive ouverte UNIGE

DE LA CENE. 635
le commencement a esté la parolle du Père vivifiante, fontaine
et origine de vie : dont toutes choses ont eu la vertu de subsister.
Pourtant Sainct Jean aùcunesfois l'appelle parolle de vie:
aucunesfois dit que la vie a esté tousjours en luy, voulant signifier
5 qu'il a espandu tousjours sa force par toutes creatures, pour leur
donnervie et vigueur. Toutesfoisluy mesme adjoustetantost après,
que lors la vie a esté manifestée, quand le Filz de Dieu, ayant
prins nostre chair, s'est donné à.voir et à-toucher. Car combien
qu'il espandit auparavant ses vertuz sur les creatures : neant-
10 moins pource que l'homme estant aliéné de Dieu par péché, avoit
perdu la communication de vie, et estoit de toutes pars assiégé
de la mort : il avoit besoing d'estre receu de nouveau en la communion
de ceste parolle, pour recouvrer quelque espérance
d'immortalité. Car combien y auroit-il petite matière d'espérer;
is si nous entendions que la parolle de Dieu contient en soy toute
plenitude de vie ; estans ce pendant eslongnez d'icelle ; et ne
voyans en nous ne tout à l'entour autre chose que la mort? Mais
depuis que celle fontaine de vie a commencé d'habiter en nostre
chair : desjà elle n'est point cachée loing de nous : mais se
20 baille et présente, à ce qu'on en puisse jouyr. Voilà comme
Jesus Christ a approché de nous le benefice de vie, dont il
est.la source. D'avantage il nous a rendu la chair, qu'il a
vestue et prinse vivifiante : à fin que par la participation d'icelle
nous soyons nourriz à immortalité. Je suis (dit-il) le Jean 6.
25 pain de vie, qui suis descendu du ciel. Item, Le pain que je
donneray, c'est ma chair, laquelle j'exposeray pour la vie du
monde. Esquelles parolles il demonstre qu'il est la vie, entant
qu'il est la parolle de Dieu éternelle : laquelle est descendue du
ciel à nous. Mais aussi qu'en descendant il a espandue ceste
30 vertu en la chair qu'il a prinse : à fin que la communication
en parvinst jusques à nous. Dont s'ensuyvent ces sentences :
Que sa chair est vrayement viande, son sang est vrayement
breuvage : et que l'un et l'autre est substance pour nourrir
les fidèles en vie éternelle. Nous avons donc en cela une singu-
35 Here consolation, qu'en nostre propre chair nous trouvons
la vie. Car en icelle manière non seulement nous parvenons
à icelle : mais elle vient au devant pour se presenter à nous :
seulement que nous luy donnions ouverture en nostre cœur
pour, la recevoir, et nous l'obtiendrons. Or combien que la