RELIGION CHRESTIENiNE - Archive ouverte UNIGE

598 CHAPITRE XI.
remonie extérieure : qui est la moindre partie des Sacrèmens :
puis que la consideration principale depend de laparolle, et delà
chose signifiée et représentée. Parquoy nous povons conclure, que
tout ce qui appartient à la Circoncision est aussi commun au
5 Baptesme : excepté la diversité externe et visible. Et à faire ceste
deduction nous meine la reigle que nous avons premise. C'est que
toute l'Escriture se doibt mesurer selon la proportion et similitude
de la Foy : laquelle regarde tousjours les promesses. Et de
faict la vérité se laisse en cest endroit quasi toucher à la main.
10 Car comme la Circoncision a esté une marque aux Juifz en recongnoissance
que Dieu les recevoit pour son peuple, et qu'ilz
1 advoü oient pour-leur Dieu : et ainsi leur estoit comme la premiere
entrée extérieure en l'Eglise de Dieu : aussi par le Baptesme
nous sommes premièrement receuz en l'Eglise de nostre
is Seigneur, pour estre recongneuz de son peuple : et faisons protestation
de le vouloir advouer pour nostre Dieu. Dont apert que
le Baptesme a succédé à la Circoncision.
Maintenant si quelqu'un demande si le Baptesme doibt estre
communiqué aux petis enfans, comme leur appartenant selon
2o l'ordonnance de Dieu : qui sera celuy tant despourveu de sens ;
lequel se veuille arrester pour en donner bonne resolution seulement
à l'eaüe et à l'observation visible ; et non plustpst considérer
le mystère spirituel? Auquel si nous avons esgard : il n'y aura
nulle doubte que le Baptesme n'apartienne à bon droict aux en-
25 fans. Car par ce que nostre Seigneur a ordonné anciennement la
Circoncision aux enfans : il a monstre évidemment qu'il les faisoit
participans de tout ce qui y estoit représenté. Autrement il fauldroit
dire, que telle institution n'auroit esté que mensonge et fainctise
: et mesmes belle tromperie. Ce qui ne peut estre oüy ne en-
30 duré entre les fidèles. Car le Seigneur dit nottamment, que la
Circoncision donnée au petit enfant luy sera en confirmation de
l'alliance laquelle a esté recitée. Si donc l'alliance demeure tousjours
une : il est trescertain que les enfans des Chrestiens n'en
sont pas moins participans, qu'ont esté les enfans des Juifz soubz
35 le viel Testament. Et s'ilz sont participans de la chose signifiée;
pourquoy ne leur sera communiqué le Sacrement ; qui n'est
sinon figure et representation ? S'il est question de discerner
le signe extérieur de la parolle; lequel sera estimé le plus grand
et le plus excellent ? Certes d'autant que le signe sert à lapa-