RELIGION CHRESTIENiNE - Archive ouverte UNIGE

DE LA PREDESTINATION. 507
nuyse. Et si ainsi est, on ne peut venir à l'encontre par aucun
remède. Mais aucontraire, que sera-ce si les dangers ne sont
pas invincibles ; d'autant que le Seigneur nous a assigné les remèdes
pour les surmonter ? Regarde quelle convenance il y a
5entre ton argument et l'ordre de la Providence divine. Tu infères,
qu'il ne nous fault donner de garde des dangers, pource
que nous en pourrons eschapper, sans nous en garder, moyennant
qu'ilz ne soient pas invincibles : le Seigneur aucontraire te
commande de t'en garder, pource qu'il veult que tu en eschappe.
10Ces enragez ne considèrent point ce qu'on voit à l'œil. Que
l'industrie de consulter et se garder, a esté inspirée aux hommes
de Dieu : par laquelle ilz servissent à sa Providence, en conservant
leur vie. Comme aucontraire, par nonchaillance et mespris
ilz acquièrent les misères qu'il leur veut imposer. Car
is dont est-ce qu'il advient qu'un homme prudent ; en mettant
ordre à ses affaires ; destourne le mal qui luy estoit prochain
; et un fol par sa témérité perist ? Qu'est-ce autre chose
sinon que folie et prudence sont instrumens de la dispensation
de Dieu ; en une partie et en l'autre ? Pourtant le Seigneur a
20voulu toutes choses futures nous estre cachées : à fin que nous
venions au devant, ne .sachans point ce qui en doibt estre : et
que nous ne cessions point d'user des remèdes qu'il nous
donne contre les dangers ; jusques à ce que nous en soyons
venuz à bout : ou qu'ilz nous ayent surmontez. Quand est
25 des choses advenues et passées, ces phantastiques considèrent
mal et perversement la Providence de Dieu. Nous disons que
toutes choses despendent d'icelle, comme de leur fondement :
et pourtant qu'il ne se faict, ne larrecin, ne paillardise, n'homicide,
que la volunté de Dieu n'entrevienne. Sur cela ilz
30 demandent : pourquoy donc sera puny un larron ; qui a puny
celuy.que Dieu vouloit estre chastié par povreté ? Pourquoy
sera puny un meurtrier ; qui a tué celuy auquel Dieu
avoit finy la vie ? Brief si toutes telles manières de gens
servent à la volunté de Dieu : pourquoy les punyra-on ? Mais
35je nye qu'ilz y servent. Car nous ne dirons pas, que cèluy qui
est mené d'un mauvais cœur, s'adonne à servir à Dieu : veu
qu'il veult seulement complaire à sa meschante cupidité.
Cestuy-là obtempère à Dieu, qui, estant enseigné de sa volunté,
va où elle l'appelle : Or où est-ce que Dieu nous enseigne