RELIGION CHRESTIENiNE - Archive ouverte UNIGE

782 CHAPITRE XVI.
Dieu : mesme encores qu'elle soit occupée de personnes tresindignes
: et qui, par leur meschansetë (d'autant qu'en eux est)
la polluent. Car combien que la correction de domination desord[o]nnée
soit vengeance de Dieu; toutesfois il ne s'ensuit pas pourtant,
qu'elle nous soit permise et donnée en main, ausquelz il
n'est donné autre mandement que d'obéir et de souffrir. Je parle
tousjours des personnes privées. Car s'il y avoit en ce temps icy
Magistratz constituez pour la deffence du peuple pour refréner
la trop grande cupidité et licence des Roys, comme ancienne-
10 ment les Lacedemoniehs avoient ceux qu'il z appelloient Ephores :
et les Romains, leurs deffenseurs populaires : et les Athéniens,
leurs Demarches : et comme sont, possible, aujourd'huy en
chascun Royaume les trois estatz quand ilz sont assemblez : à
ceux qui seroient constituez en tel estât, tellement je ne deffeni5
drois de s'opposer et résister à l'intempérance ou crudelité des
Roys, selon le devoir de leur office : que mesmes s'ilz dissimuloient,
voyans que les Roys desordonnéement vexassent le
povre populaire, j'estimeroie devoir estre accusée de parjure telle
dissimulation, par laquelle malicieusement ilz trahiroient la
so liberté du peuple, de laquelle ilz se devroient congnoistre estre
ordonnez tuteurs, par le vouloir de Dieu.
Mais en l'obéissance que nous avons enseignée estre deuë
aux supérieurs, il y doibt avoir tousjours une exception, ou
plustost une reigle qui est à garder devant toutes choses. C'est,
2b que telle obéissance ne nous destourne point de l'obeissancë de
celuy, soubz la volunté duquel il est raisonnable que tous les desirs
des Roys se contiennent : et que tous leurs commandemens
cedent à son ordonnance, et que toute leur haultesse soit humiliée
et abaissée soubz sa majesté. Et pour dire yray, quelle perversité
30 seroit-ce ; à fin de contenter les hommes ; de encourir l'indignation
de celuy ; pour l'amour duquel nous obéissons aux hommes ? Le
Seigneur,donc est Roy des Roys, lequel incontinent qu'il œvre sa
sacrée bouche, doibt estre sur tous, pour tous, et devant tous escouté.
Nous devons puis après estre subjectz aux hommes qui ont
35 preeminence sur nous : mais non autrement, sinon en luy. S'il/,
viennent à commander quelque chose contre luy il nous doibt estre
de nulle estime. Et ne fault avoir en cela aucun esgard à toute la dignité
de leur supériorité : à laquelle on ne fait nulle injure, quand
elle est soubmise et rengée soubz la puissance de Dieu, qui est