RELIGION CHRESTIENiNE - Archive ouverte UNIGE

DE ORAISON. 521
ne voyent point à quelle fin nostre Seigneur a institué les siens
à prier. Car il n'a pas ordonné cela à cause de soy, mais au
regard de nous. Parquoy combien qu'il veille et face le guet pour
nous conserver : mesmes quand nous sommes si estourdiz, que
5 nous ne sentons point les maulx qui sont à l'entour de nous :
combien aussi qu'il nous secoure aucunesfois devant qu'estre
invoqué : neantmoins il nous est très nécessaire de l'implorer
assiduellement. Premièrement à fin que nostre cœur soit enflambé
d'un vehement et ardent désir de le tousjours cercher, aymer et
îo honorer, en ce que nous nous accoustumons d'avoir en luy nostre
refuge en toutes nécessitez, comme au port unique de salut. En
après à fin que nostre cœur ne soit esmeu d'aucun désir, duquel
nous ne l'osions faire incontinent tesmoing : comme nous le faisons
en exposant devant ses yeux toute nostre affection : et par
is manière de dire, desployant tout nostre cœur devant luy. D'avantage
à fin que nous soyons apprestez à recevoir ses benefices
avec vraye recongnoissance et action de graces : comme par la
prière nous sommes advertiz qu'ilz noiis viennent de sa main.
Oultreplus à fin que ayans obtenu ce que nous demandions,.
20 nous repulions qu 'il a exaucé noz désirs : et par cela soyons plus
ardamment incitez à méditer sa bénignité. Et aussi prenions plus
grand plaisir de la jouyssance des biens qu'il nous fait entendans
que les avons impetrez par noz prières. Finalement à fin que sa
Providence soitconferméeet approuvée en noz cœurs, selon nostre
?5 petite capacité : entant que nous voyons, que non seulement il
nous promet de ne nous jamais abandonner : mais aussi qu'il nous
donne entrée à le cercher et implorer en la nécessité. Pour toutes
ces raisons le Père plein de clémence, combien que jamais il ne
dorme ne cesse, toutesfois monstre souventesfois de dormir et
30 cesser : à fin que par cela nous soyons incitez à le prier et requérir
: comme il est expedient à nostre paresse et oubliance. C'est
donc trop perversement argué pour nous retirer de faire oraison->
d'alléguer que c'est chose superflue de solliciter par
noz demandes la Providence de Dieu : laquelle,, sans estre
35 sollicitée, veille à conserver toutes choses. Veu aucontraire que
le Seigneur ne tesmoigne point en vain qu'il sera prochain
à tous ceux qui invoqueront son Nom en vérité. C'est une aussi
grande folie, d'alléguer qu'il n'y a nulle raison de demander
les choses que le Seigneur voluntairement est prest de nous