RELIGION CHRESTIENiNE - Archive ouverte UNIGE

DE LA LIBERTÉ CHRESTIENNE. 709
moy, Paul je vous dy, si vous estes circonciz, Christ ne vous prqffitera
de rien. Item, celluy qui est circonciz, est debteur de toute
la Loy, et Christ luy est faict vain. Item, vous tous qui estes justifiez
par la Loy, vous estes decheuz de la grace. Ausquelz propoz
5 certainement il demeine une chose plus haute que la liberté desceremonies.
L'autre partie de la liberté Chrestienne, laquelle despend de ceste
précédente, est telle : c'est qu'elle fait que les consciences ne
servent point à la Loy, comme contrainctes par la nécessité de la
10 Loy : mais que, estans délivrées du joug de la Loy, elles obeyssent
libéralement à la volunté de Dieu. Car d'autant qu'elles
sont perpétuellement en crainte et terreur tant qu'elles sont subjectes
à la Loy : jamais elles ne seront bien délibérées d'obeyr
vouluntairement et d'un franc cœur à la volunté de Dieu : sinon
is que premièrement elles ayent obtenu celle délivrance. Nous verrons
par exemple plus brièvement et clairement à quelle fin tend
ce propos. Le commandement de la Loy est, que nous aymions
Dieu de tout nostre cœur, de toute nostre ame, de toutes noz
forces. Pour accomplir ce commandement, il fault que premiere-
20 ment l'ame soit vuyde de toute autre cogitation : que le cœur soit
purgé de tout autre désir : que toutes les forces y soient ensemble
• appliquées. Or ceux qui sont les plus avancez en la voye de
Dieu, sont bien loing de ce but. Car combien qu'ilz aymentDieu
de bonne affection et en syncerité de cœur : toutesfois ilz ont enas
cores une grande partie de leur cœur et de leur ame remplie
d'affections charnelles, desquelles ilz sont empeschez et retirez,
à ce qu'ilz ne puissent courir à Dieu comme il appartient. Hz
s'efforcent bien d'aller : mais la chair en partie débilite leur
vertu, en partie l'applique à soy. Que feront-ilz icy quand ilz
30 voyent qu'ilz ne font rien moins que d'accomplir la Loy ? Hz
veulent, ilz aspirent, ilz s'efforcent : mais rien en telle perfection
qu'il appartient. S'ilz regardent la Loy, Ilz voyent estre
mauldict tout ce qu'il scauroyent entreprendre de faire. Et ne
fault que quelqu'un s'abuse, pensant que son œuvre ne soit point
35 du tout mauvais, d'autant qu'il est imparfaict, et pourtant que
Dieu neantmoins ha pour acceptable ce qui y est de bien. Car
la, Loy requérant parfaicte dilection, condamne toute imperfection.
Que celuy donc qui ha telle estime de son œuvre, la
considère bien : et il trouvera, que ce qu'il y jugeoit estre de