RELIGION CHRESTIENiNE - Archive ouverte UNIGE

476 CHAPITRE VIII.
gnage de Sainct Augustin caille quelque chose envers ceux, qui
s'arrestent voluntiers à l'authorité des Peres. Mais posons le cas
qu'il ne parle point : et considérons la chose en soy. Sainct Paul
avoit nieu une question fort difficile, à scavoir si Dieu fait
ajustement, en ne faisant grace sinon à qui bon luy semble. Il la
povoit souldre en ung. mot : en prétendant que Dieu considère
les oeuvres. Pourquoy donc ne faisoit-il cela ? Pourquoy conlinue-il
tellement son propos ; qu'il nous laisse en une mesme
difficulté? Il n'y a autre raison, sinon qu'il ne le devoit pas
10 faire : car le Sainct Esprit, qui parloit par sa bouche, n'eust rien
laissé par oubly. Il respond donc sans tergiversation, que Dieu
accepte en grace ses esleuz, pource qu'il luy plaist : qu'il leur fait
miséricorde, pource qu'il luy plaist. Garce tesmoignage de Moyse
qu'il allègue : J'auray pitié de celuy dont j'auray pitié : et feray
is miséricorde à celuy auquel je feray miséricorde : vault autant
comme s'il disoit, que Dieu n'est esmeu d'autre cause à pitié
et bonté sinon pource qu'il le veult. Pourtant ce que dit S.
Augustin en un autre lieu demeure vray : que la grace de Dieu
ne trouve point qu'elle doibve eslire : mais qu'elle les fait. Car
2oje ne me soucye pas de ceste subtilité de Thomas d'Aquin : c'est
que combien que la prescience des mérites ne puisse estre nommée
cause de la predestination, du costé de Dieu : toutesfois
"qu'on la peut ainsi appeller de nostre part. Comme quand il est
diet, que Dieu a prédestiné ses esleuz à recevoir gloire pour leurs
23 mérites pour ce qu'il a voulu leur donner la grace par laquelle
ilz méritent ceste gloire. Aucontraire puis que Dieu ne veult
point que nous considérions rien en nostre eslection que sa
pure bonté, c'est une affectation perverse, de vouloir regarder
quelque chose d'avantage. Que si je vouloy^e contendre par sub-
30 tilité : j'auroye bien dequoy rabatre ceste sophisterie de Thomas.
Il argue que la gloire est aucunement preordonnée aux
esleuz pour leurs mérites : pource que Dieu leur donne premièrement
la grace pour la mériter. Mais que sera-ce ; si je réplique
aucontraire, que la grace du Sainct Esprit, que donne nostre Sei-
35 gneur aux siens ; sert à leur eslection ; et la suyt plustost qu'elle
ne precede ; veu qu'elle est conférée à ceux, ausquelz l'Héritage
de vie estoit assigné au paravant? Car c'est l'ordre que tient Dieu
de justifier, après avoir esleu. De cela il s'ensuyvra que la Predestination
de Dieu par laquelle il délibère d'appeller les siens à salut,