RELIGION CHRESTIENiNE - Archive ouverte UNIGE

DU BAPTESME. 607
en leur racine : dont ilz sont les rameaux naturelz. C'est la cause
pourquoy il a fallu que l'Evangile leur feust présentée en premier
lieu : comme aux enfans premiers naiz en la maison du Seigneur,
ausquelz telle prerogative estoit deuë jusques à ce qu'ilz
s l'ont refusée. Et encores ne les devons nous contemner, quelque
rebellion que voyons en eux, espérant que la bonté du Seigneur
est encores sur eux à cause de la promesse. Car S. Paul tesmoigne
qu'elle n'en départira jamais : disant que les dons et la vocation
de Dieu, sont sans repentance ne mutation. Voilà de quelle imîoportance
est la promesse donnée à Abraham pour les siens. Pourtant
combien que la seule election du Seigneur domine en cest
endroict, pour discerner les héritiers du Royaume celeste d'avec
ceux qui n'y ont nulle part : si a voulu ce bon Dieu mettre spécialement
sa miséricorde sur la lignée d'Abraham, et la testifier et
is séeller par la Circoncision. Or il y a maintenant une mesme raison
entre les Chrestiens. Car comme S. Paul en ce passage là dit que I .Cor. 7.
les Juifz sont sanctifiez par leur souche et origine, aussi autre
part il afferme que les enfans des Chrestiens sont maintenant sanctifiez
par leurs parens : pourtant ilz doivent estre segregez des
20 autres, lesquelz demeurent immundes. Parquoy on peut facilement
juger, que ce qu'ilz prétendent consequemment est faulx. C'est que
les enfans d'eage, qui ont esté circonciz, ont figuré seulement les
enfansspirituelz qui sont régénérez parla parolle de Dieu. S. Paul Rom. 13.
ne l'a pas pris si hault, quand il a escrit que Jesus Christ estoit
25 ministre de la nation Judaïque,pour confermer les promesses faictes
à leurs Peres. Comme s'il disoit. Puis que les promesses données
à Abraham et aux pères, sont pour leur semence : Jesus Christ à
fin d'accomplir la vérité de son Père, est venu, pour tirer ceste nation
à salut. Voilà comment après la resurrection de Jesus Christ
30 S. Paul entend tousjours la promesse devoir estre accomplie littéralement.
Autant en dit S. Pierre au second des Actes, denonceant
aux Juifz que la promesse leur appartient, à eux et à leurs enfans.
Et au troisiesme chapitre, il les appelle enfans, c'est à dire héritiers
des Testamens regardant tousjours à ceste promesse.' Ce que de-
35 monstre bien aussi le passage de Sainct Paul qu'avons cy dessus Ephe. 2.
allégué. Car il met la Circoncision donnée aux enfans petis d'eage
pour tesmoignage de la communication spirituelle avec Christ. Et
de faict que pourroit-on respondre à la promesse que fait le Seigneur
à ses fidèles par sa Loy ; denonceant qu'il fera miseri-