RELIGION CHRESTIENiNE - Archive ouverte UNIGE

768 CHAPITRÉ XVl.
fondée l'ordonnance. L'équité, d'autant qu'elle est naturelle, est
tousjours une mesme à tous peuples. Et pourtant toutes les loix
du monde, de quelque affaire que ce soit, doivent revenir, à une
mesme équité. Touchant des constitutions ou ordonnances,
s d'autant qu'elles sont conjoinctes avec circonstances, dont elles .
dependent en partie : il n'y a nul inconvenient qu'elles soient
diverses : mais qu'elles tendent toutes pareillement à un mesme
but d'équité. Or comme ainsi soit que la Loy de Dieu, que nous
appelions morale; ne soit autre chose sinon qu'un tesmoingnaige
10 de la loy naturelle, et de la conscience : laquelle nostre Seigneur
a imprimée au cœur de tous les hommes : il n'y a nulle doubte
que ceste équité, de laquelle nous parlons maintenant, ne soit
en icelle du tout declairée. Pourtant il convient, queicelle équité
seule soit le but, la reigle, et la fin de toutes loix. ,De rechief
is toutes loix qui seront compassées à ceste reigle, qui tendront à
ce but, et qui seront limitées à ceste mesure, ne nous doivent
despla[i]re : comment que cesôit qu'elles different de la Loy Mosayque,
ou bien entre elles mesmes. La Loy de Dieu deffend
de desrober. On peut voir en Exode quelle peine estoit cons- Exod. 22.
aotituée sur les larecins en la police des Juifz. Les plus anciennes
loix des autres nations punissoient les larrons : leurs faisant
rendre au double de ce qu'ilz avaient desrobé. Celles qui sont
venes après, ont discerné entre larecin manifeste, et occulte. Les
autres ont procédé jusques à banissement : aucunes jusques
2» au fouet : les autres jusques à la mort. La Loy de Dieu deffend
de porter faulx tesmoignage. Un faulx témoignage estoit
puny entre les Juifz de pareille [peine], que eust encouru celuy qui
estoit faulsement accusé s'il eust esté convaincu : En aucuns
autres pais il n'y avoit que peine d'ignominie. Et en aucuns Deut. 16.
s» autres, du gibet. La Loy de Dieu deffend de commettre ho- •
micide. Toutes les loix du monde d'un commun accord punissent
mortellement les homicides : toutesfois par divers genres
de mort. Mais toutesfois en telle diversité, elles tendent
toutes à une mesme fin. Car toutes ensemblement prononcent
33 sentence de condemnation contre les crimes qui sont condamnez
par la Loy éternelle de Dieu. C'est à scavoir homicides,
larecins, adultères, faulx têsmoignages : seulement elles ne conviennent
en eqvialité de peine. Ce qui n'est pas nécessaire, ne
mesmes expedient. Il y a telle Region qui seroit incontinent