RELIGION CHRESTIENiNE - Archive ouverte UNIGE

548
CHAPITRE IX.
nité : mais s'y rapporte entièrement. Car combien que en soy
telles oraisons soient particulièrement formées : toutesfois pource
qu'elles tendent à ce but, elles ne laissent d'estre communes.
Tout cecy facilement se peut entendre par une similitude. Le
5 commandement de Dieu de subvenir à l'indigence de tous povres,
est general. Et toutesfois ceux y obeyssent, qui à ceste fin
font miséricorde et eslargissent de leur bien à ceux qu'ilz voyent
ou scaivent en avoir nécessité : nonobstant qu'ilz ne donnent
pas à tous ceux qui n'en ont pas moindre besoing : ou pource
io qu'ilz ne les peuvent tous congnoistre : ou pource qu'ilz ne
peuvent suffire à tous. En ceste manière, ceux ne contreviennent
point à la volunté de Dieu, qui, regardans et pensans à
ceste commune société de l'Eglise, usent de telles particulières
oraisons : par lesquelles en particulières parolles, mais de cou-
13 rage publique et commune affection, ilz recommandent à Dieu
ou eux ou autres, desquelz il leur a voulu de plus près donner
à congnoistre la nécessité. Combien que tout ne soit semblable
en oraison et en ausmone. Car nous ne povons subvenir de noz
biens, sinon à ceux desquelz nous scavons la povreté : mais
20 nous povons et devons ayder par oraison ceux mesmes, desquelz
n'avons point la congnoissance, et qui sont eslongnez de
nous par quelque distance et intervalle que ce soit. Ce qui
se fait par la généralité des oraisons : en laquelle sont comprins
tous les enfans de Dieu : au nombre desquelz aussi ceux
as là sont.
Après il est diet, Qui es es cieux. Dequoy nous ne devons
entendre ne penser, qu'il soit encloz ou contenu au circuit
du ciel. Car Salomon confesse que les cieux ne le peu- 3 Roys-S.
vent comprendre. Et luy par son Prophète dit, que le ciel lésa. 66.
30 est son siege, et la terre son marchepied. En quoy il declaire Adesl.i
et donne à congnoistre, qu'il n'est point contenu en quelque
certain lieu : ains qu'il est par tout et remplit toutes choses.
Mais pourtant que nostre ignorance et imbecilité d'esprit
ne peut autrement comprendre ne concevoir sa gloire,
35 puissance, sublimité et haultesse : il nous la signifie par le
ciel : qui est la chose la plus haulte et pleine de gloire et
majesté que nous pouvons comtempler. Parquoy à cause
que partout où noz sens ont appréhendé quelque chose,
ilz ont accoustumé de la tenir comme lyée. Dieu nous