RELIGION CHRESTIENiNE - Archive ouverte UNIGE

S74 CHAPITRE X.
telles subtilitez : puis que par beaucoup et certes bien clers argumens
nous pouvons monstrer et prouver, que les Anciens n'ont
eu autre esgard en appellant noz signes, Sacremens, que de signifier
que ce sont signes de choses sainctes et spirituelles : veu
5 que ce vocable se prent souventesfois pour mystère en latransla- •
tion latine de l'Escriture. Nous recevons bien les similitudes
qu'ilz proposent : mais nous n'endurons point que ce qui est le
moindre es Sacremens, soit par eux constitué en premier lieu : et
tnesmes qu'ilz n'y recongnoissènt autre chose. Or ceste considerâ-
10 tion doibt estre principale aux Sacremens, qu'ilz font pour servir '
à nostre Foy envers Dieu. La seconde, qu'ilz sont pour'tesmoigner
nostre confession envers lès hommes. Et'selon ceste dernière raison
sont bonnes et bien convenantes lès dictes similitudes.
D'autrèpart il nous fault es.tre advertiz, que comme ceux cy desr
is truisënt l'efficace des Sacremens, et en abollissent l'usage: aussi
il y en a aucontraire qui attribuent aux Sacremens quelques je ne
scay quelles vertus secretes, qu'on ne list point jamais leur avoir
esté données de Dieu. Par lequel erreur sont decèuz et trompez
les simples et ignorans : quand ilz sont apprins de cercher les
20 dons et graces de Dieu, où elles ne se peuvent nullement trouver,
et sont peu à peu destournez et retirez de luy, pour suyvré pures
vanitez. Car les escholes dés Sophistes d'un commun consentement
ont déterminé, que les Sacremens de la nouvelle Loy, c'est
à dire ceux desquelz l'Eglise Chrestienne use maintenant, justi-
25 fient et confèrent grace : si nous n'y mettons object ou empeschèttient
de péché mortel. On ne pourrait assez declairer combien est
pernitieuse ceste opinion : et ce d'autant plus, que tant longues
années au grand detriment de l'Eglise elle a esté receuë, et dureencores
en une bien grand'partiè du monde. Certes elle est pleine-
30 ment diabolique. Car d'autant qu'elle promet justice sans la Foy:
• elle envoyé et dejette les consciences en confusion et damnation.
D'avantage faisant le Sacrement comme cause de justice, elle lye
et enveloppe les entendemens humains en ceste superstition, qu'ilz
*e reposent plustot en une chose corporelle, qu'en Dieu : veü
35 qu'ilz sont naturellement trop plus enclins en la terre qu'il nefaultlroit.
Desquelz deux vices il seroit à désirer que nous n'eussions
pas si grande expérience : tant s'en fault, qu'il y ayt méstier dé
grande probation. Et qu'est-ce que Sacrement priris sans Föy
sinon la ruyne de l'Eglise? Car puis qu'il n'en fault'rien attendre