RELIGION CHRESTIENiNE - Archive ouverte UNIGE

DU BAPTESME. 601
toutesfois lequel doibt estre estimé le plus grand ; ou que Jesus
Christ lesreceoive, leur impose les mains, pour signes de sanctification,
et prie pour eux, demonstrant qu'ilz sont siens ; ou que
nous par le Baptesme testifions qu'ilz appartiennent à son allians
ce? Les autres cavillations qu'on ameine pour souldre ce passage
sont trop frivolles. Car de vouloir prouver que c'estoient enfans
de'sjà grans, pource que Jesus Christ dit qu'on les laisse venir,
cela répugne trop évidemment à l'Escriture, laquelle les appelle
petis anfanteletz, qu'il failloit porter. Tellement que ce mot,
10 venir, doibt estre interprété pour approcher simplement. Voilà
comment ceux qui s'oppiniastrent contre la vérité cerchent en
chascune syllabe matière de tergiverser. Ce que d'autres objectent,
qu'il n'est pas diet que lé Royaume celeste appartienne aux
enfans ; mais à telz qu'eux : est aussi bien une evasion eschappaîstoire.
Car si cela avoit lieu : quelle seroit la raison de nostre Seigneur
; par laquelle il veut monstrer que les enfans doivent approcher
de my ? Quand il dit, laissez les enfans venir à moy : il
n'est rien plus certain, qu'il parle des petis enfans, d'eage. Et pour
donner à entendre qu'il est raisonnable, il adj ouste: Car à telz est
20 le Royaume des cieux. Enquoy il fault nécessairement qu'ilz soyent
comprins. Et par tant fault exposer le mot detelz en ceste manière :
Que à eux et leur semblables appartient le Royaume des cieux.
Il n'y a desja celuy qui ne voye, le Baptesme des petis enfans
n'avoir esté forgé témérairement des hommes, veu qu'il a si
25 evidente approbation des Escritures. Et n'y a aucune apparence
en l'objection que font aucuns. C'est à scavoir qu'on ne scauroit
monstrer par l'Escriture, que jamais enfant ayt esté baptisé par
les Apostres. Car combien que nous confessons qu'il n'est point
expressément monstre : toutesfois ce n'est pas à dire qu'ilz ne
30 les ayent baptisez, veu que jamais n'en sont excluz, quand il
est fàict mention que quelque famille a esté baptisée. Par un
tel argument nous pourrions prétendre, que les femmes ne doivent
estre admises à la Cène de Nostre Seigneur, puis qu'il
n'est jamais parlé en l'Escriture qu'elles y ayent communié du
35 temps des Apostres. Mais en cela nous suyvons, comme il appartient,
la reigle de la Foy, regardans seulement si l'institution
de la Cène leur convient : et si selon l'intention de nostre Seigneur
elle leur doibt estre baillée. Comme aussi nous faisons en
ce Baptesme. Car en considérant pour qui il a esté ordonné, nous