RELIGION CHRESTIENiNE - Archive ouverte UNIGE

628 CHAPITRE XII.
a esté crucifié pour nous. Le Sacrement donc ne fait pas Jesus
Christ estre le pain de vie, duquel nous vivons et sommes repeuz
assiduellement : mais il nous donne quelque goust et saveur de
ce pain. En somme il nous promet que tout ce que a faict et
5 souffert Jesus Christ, il l'a faict et souffert pour nostre vivification.
Et que ceste vivification est éternelle : par laquelle tousjours
et sans fin nous soyons nourriz, substantez et conservez en
vie. Car comme Jesus Christ nenouseust point esté pain de vie,
s'il ne feust nay et mort pour nous, s'il ne feust ressuscité pour
10 nous : aussi maintenant il ne le seroit pas, si le fruict et efficace
de sa nativité, sa mort et sa resurrection n'estoit chose éternelle
et immortelle.
Si ceste vertu du Sacrement eust bien esté (selon qu'il appartenoit)
cerchée et considérée, il y avoit assez pour nous contenter :
13 et n'eussent point esté suscitées les horribles contentions, dont
l'Eglise a esté si fort tormentée, tant anciennement que encores
maintenant de nostre memoire : quand les hommes curieux veulent
difinir comment le corps de Jesus Christ est present au pain.
Comme si c'estoit une chose digne d'estre debatue par une si grande
so contention et de parolles et d'espritz. Certes on l'estime ainsi communément
: mais ceux qui le fontn'apperceoivent pas que premièrement
il failloit cercher comment le corps de Jesus Christ seroit
faict nostre, entant qu'il a esté livré pour nous. Comment son sang
seroit faict nostre, entantqu'ila esté espandu pour nous. Car con-
23 gnoistre son corps et son sang avoir esté faictz nostres en ceste manière,
est posséder tout Jesus Christ crucifié, et estre participans
de tous ses biens. Maintenant ces choses laissées, ou plustost mesprisées
et quasi ensevelies, lesquelles estoient de si grand poix et
consequence, ceste seule scabreuse question est debatue; Com-
30 ment le corps est de nous avallé et englouty.* Toutesfois à fin
qu'en une si grande multitude et diversité d'oppinions la seule et
certaine vérité de Dieu nous demeure : pensons premièrement que
c'est une chose spirituelle que le Sacrement : par lequel nostre
Seigneur n'a pas voulu repaistre noz ventres, mais noz âmes.
s« Et y cerchons Jesus Christ, non pas pour nostre corps, n'ainsi
que par noz sens charnelz il peut estre comprins : mais tellement
que l'âme le se voye présentement donné et offert. En somme
contentons-nous de l'avoir spirituellement. Car ainsi nous
l'aurons pour vie : ce qui est avoir receu tout le fruict qu'on