RELIGION CHRESTIENiNE - Archive ouverte UNIGE

DU BAPTESME. 883
gnifier, qu'on receoit en ce Sacrement asseurance dételles graces.
Ce qui est assez évidemment expliqué par leurs parollesmesmes :
car Sainct Paul conjoinct ensemble la parolle de vie, qui est
l'Evangile, et le Baptesme de l'eaüe : Comme s'il disoit, par
Ö l'Evangile nostre ablution et nostre sanctification nous estre annoncée
: et par le Baptesme ceste annonciation et message estre
signé et séellé. Et Sainct Pierre, après avoir diet que le Baptesme
nous sauve : adjouste incontinent, ce Baptesme n'estre pas le
nettoiement des ordures du corps : mais estre bonne conscience
10 envers Dieu, laquelle vient de Foy. Mais aucontraire le Baptesme
ne nous promet autre purification, que par l'aspersion du sang de
Christ : lequel est figuré par l'eaüe, pour la similitude qu'il ha
avec icelle, de laver et nettoier. Qui est-ce donc qui dira que
noifs sommes purifiez par ceste eaüe ; laquelle testifie le sang
is de Christ estre nostre vray et unique lavement ? Tellement qu'on
ne pourroit trouver meilleur argument, pour réfuter l'erreur de
ceux qui rapportent tant à la vertu de l'eaüe, que en remonstrant
qu'elle est la signification du Baptesme. Et ne devons
estimer que le Baptesme nous soit donné seulement pour le
20 temps passé : tellement que pour les péchez ausquelz rechéons
après le Baptesme, il nous faille cercher autre nouveau
remède. Certes de cest erreur est provenu, que aucuns anciennement
ne vouloient estre baptisez sinon à la fin de leur vie et
à l'heure de leur mort : à fin que ainsi ilz obtinssent remission
25pleiniere pour toute leur vie. Laquelle folle phantasie est souvent
reprinse des Evesques en leur escritz. Mais il nous fault
scavoir, que en quelque temps que nous sommes baptisez,
nous sommes une fois lavez-- et purgez pour tout le temps de
nostre vie. Pourtant toutes les fois que nous serons recheuz
30 en péchez, il nous fault recourir à la memoire du Baptesme, et
par icelle nous confirmer en celle Foy, que nous soyons tousjours
certains et asseurez de la remission de noz péchez.
Car combien que, nous ayant esté une fois administré, il semble
qu'il soit desja passé, toutesfois il n'est pas effacé par les
35 péchez subsequens. Car la purité de Jesus Christ nous y est
offerte : et elle a tousjours vigueur, tousjours dure, et ne peut
estre surmontée d'aucune macule, ains elle abolist et nettoyé toutes
noz souilleures et immundicitez. Or de ce nous ne devons pas
prendre occasion ne licence de plus facilement pécher à l'adve-