RELIGION CHRESTIENiNE - Archive ouverte UNIGE

DE OKAISON. 557
LA VI. PETITION.
Ne nous induis point en tentation : mais délivre
nous du maling.
Il y a plusieurs et diverses manières de tentations. Car toute[s]
5 les mauvaises conceptions de nostre entendement nous indui- jaques I.
santés à transgresser la Loy : lesquelles ou notre concupiscence Matth. A.
nous suscite, ou le Diable esmeut en nous, sont tentations. Et 4.Thés.3.
les choses qui de leur nature ne sont point mauvaises, toutesfois
par l'astuce du Diable nous sont faictes tentations quand elles
îo nous sont mises devant les yeux, à fin que par leur object nous
soyons retirez et déclinions de Dieu. Et de ces dernières tentations
les [un]es sont à dextre, et les autres à senestre. A dextre,
comme richesses, puissance, honneur, et autres telles : lesquelles,
bien souvent par l'apparence du bien et clarté, qu'elles se mons-
15 trent avoir, esblouyssent la veüe des hommes : et par leur doulceur
les ennyvrent, pour leur faire oublier Dieu. A senestre,
comme povreté, ignominie, mesprisement, afflictions, et autres
semblables : pour la durté et difficulté desquelles ilz se desconfortent,
perdent tout couraige, laissent toute fiance et espérance :
so et finalement soyent du tout aliénez de Dieu.
Or par ceste sixiesme petition, nous requérons à Dieu nostre
Père qu'il ne nous permette point succomber en ces tentations,
lesquelles bataillent contre nous : tant celles que nostre concupiscence
produit en nous, que celles qui nous sont proposées
25 du Diable. Mais que plustost de sa main il nous soustienne et
fortifie : à fin qu'en sa vertu, nous puissions estre fermes, et consister
contre tous les assaulx du maling ennemy : quelconques
cogitations qu'il induise en noz entendemens. Et que nous tournions
à bien tout ce qui nous est proposé d'une part et d'autre :
3o c'est à dire que ne nous eslevions point pour aucune prospérité :
et que ne nous desconfortions ne désespérions pour aucune adversité.
Et ne prions pas icy que nous ne sentions aucunes tentations
: desquelles il nous est grandement besoing que soyons Jaques 1.
35 plustost éveillez, picquez, et stimulez, à fin que ne soyons
par trop paresseux et endormiz. Car David pour néant ne
souhaitoit pas d'estre tenté de nostre Seigneur. Et nostre Seigneur Psal. 26.