RELIGION CHRESTIENiNE - Archive ouverte UNIGE

806 CHAPITRE XVII.
tesmoignage de Christ, que d'une faulse opinion de nostre chair.
De là il adviendra, qu'à l'exemple des Apostres, nous nous rejoyrons,
toutesfois et quantes qu'il nous reputera dignes que nous
endurions contumelie pour son Nom. Car si estans innocens et de
5 bonne conscience nous sommes despouillez de noz biensj par la
meschanceté des iniques, nous sommes bien apovriz devant les
hommes : mais par cela les vrayes richesses nous accroissent
envers Dieu. Si nous sommes chassez et baniz de nostre païs :
nous sommes d'autant plus avant receuz en la famille du Seiîogneur.
Si nous sommes vexez et molestez : nous sommes d'autant
plus confermez en nostre Seigneur, pour y avoir recours. Si
nous recevons opprobre et ignominie : nous sommes d'autant plus
exaltez au Royaume de Dieu. Si nous mourons : l'ouverture nous
est faicte en la vie bienheureuse. Ne seroit-ce pas grand'honte à
is nous ; d'estimer moins les choses que le Seigneur a tant prisées;
que les délices de ce monde ; lesquelles passent incontinent comme
fumée ? Puis donc que l'Escriture nous reconforte ainsi en toute
ignominie et calamité ; que nous avons à endurer pour la deffense
de justice; nous sommes trop ingratz, si nous ne les portons
an patiemment, et d'un coeur alegre. Singulièrement veu que ceste
espèce de croix est propre aux fidèles par dessus toutes les autres :
et que par icelle Christ veult estre glorifié en eux, comme ditSainct
Pierre. Combien que Dieu ne requiert point de nous, une telle
lyesse, laquelle oste toute amertume de douleur. Autrement la
23 patience des Sainctz seroit nulle en la croix : sinon qu'ilz fussent
tormentez de douleurs, et sentissent angoisse, quand on leur faict
quelque moleste. Semblablement si la povreté ne leur estoit dure
et amere, s'ilz n'enduroient quelque torment en maladie,
si l'ingnominie ne les poignoit, si la mort ne leur estoit
30 en horreur ; quelle force ou moderation seroit-ce de mespriser
toutes ces choses ? Mais comme ainsi soit qu'une chascune
d'icelles ayt une amertume conjoincte, de laquelle elle pôingt
les cœurs de nous tous naturellement : en cela se demonstre
la force d'un homme fidèle, si lestant tenté du sentiment
35 d'une telle aigreur, combien qu'il travaille grièvement : toutesfois
en resistant, surmonte, et vienne au dessus. En cela se
declaire la patience, si estant stimulé par ce mesme sentiment,
il est toutesfois restreinct par la crainte- de Dieu, comme par
une bride, à ce qu'il ne se desborde point eii quelque immodestie.