RELIGION CHRESTIENiNE - Archive ouverte UNIGE

DE LÀ VÏE CHkÉSTlÉNNÈ. 801
ha d'efficace cela ; pour addoucir toute amertume qui pourroit
estre en la croix ? c'est que d'autant plus que nous sommes affligez,
et endurons de misères, d'autant est plus certainement confermée
nostre société avec Christ. Auquel quand nous communisquons,
les adversitez non seulement nous sont benistes, mais
aussi nous sont comme aydes, pour advancer grandement nostre
salut.
D'avantage le Seigneur Jesus n'a eu nul mestier de porter la
croix, et endurer tribulations : sinon que pour testifier et approu-
10 ver son obéissance envers Dieu son Père. Mais il nous est nécessaire,
pour plusieurs raisons, d'estre perpétuellement affligez en
ceste vie. Premièrement selon que nous sommes trop enclins de
nature à nous exalter, et nous attribuer toutes choses, si nostre
imbecilité ne nous est demonstrée à l'oeil : nous estimons incontinent
de nostre vertu oultre mesure : et ne iloubtons point de la
faire invincible contre toutes difficultez qui pourraient advenir.
De là vient, que nous nous eslevons en une vaine et folle confiance
de la chair : laquelle puis après nous incite à nous enorgueillir
contre Dieu : comme si nostre propre faculté nous suffi-
20 soit sans sa grace. Il ne peut mieux rabbatre ceste oultrecuydance,
que en nous monstrant, par experience, combien il y a en
nous, non seulement d'imbecilité : mais aussi de fragilité. Pourtant
il nous afflige, ou par ignominie, ou par povreté ou maladie,
ou perte de parens, ou autres calamitez : ausquelles tant
23 qu'en nous est, nous succombons incontinent : pource que
nous n'avons point la vertu de les soustenir. Lors estans humiliez,
nous apprenons d'implorer sa vertu : laquelle seule
nous faict consister et tenir fermes soubz la pesanteur de telz
fardeaux. Mesmes les plus sainctz : combien qu'ilz congnois-
30 sent leur fermeté estre fondée en la grace du Seigneur, et non
en leur propre vertu : toutesfois encores conceoivent-ilz trop
grande sécurité de leur force et constance : sinon que le Seigneur
les amenast en plus certaine congnoissance d'eux mesmes,
les esprouvant par croix. Et pourtant, ce qu'ilz se flatoient, con-
35cevans quelque opinion de grande fermeté et constance : ce
pendant que toutes choses estoint paisibles, après avoir esté
agitez de tribulation : ilz congnoissent que c'estoit hypocrisie.
Voylà donc la manière, comment il fault que les fidèles
soyent advertiz de leurs maladies : à fin de proffiter en humili-
Institution. 5]