RELIGION CHRESTIENiNE - Archive ouverte UNIGE

646 CHAPITRE XII.
qui participons d'un mesme pain. Nous aurons beaucoup proffité
au Sacrement, si ceste congnoissance est engravée et imprimée
dedens noz cœurs, que nul des frères ne peut estre de nous blessé,
diffamé, moqué, mesprisé4 ou en aucune manière offensé : que
5 ensemblement nous ne blessions, diffamions, moquions, mesprisions
ou offensions, en luy Jesus Christ : que ne pouvons avoir
discord ne division avec noz frères, que ne discordions et soyons
divisez de Jesus Christ : que Jesus Christ ne peut estre aymé de
nous, que nous ne l'aymions en noz frères : que telle sollicitude.
10 et soing que nous avons de nostre propre corps, nous le devons
aussi avoir de noz frères, qui sont membres de nostre corps : que
comme nulle partie de nostre corps ne peut souffrir aucune douleur,
que le sentiment n'en soit espandu en toutes les autres :
aussi nous ne devons endurer que nostre frère soit affligé de quells
que mal, duquel nous ne portions pareillement nostre part par
compassion. Et pourtant non sans cause Sainct Augustin a si souvent
appelle ce Sacrement lyen de charité. Car quel aiguillon
pourroit estre plus aspre et plus piquant à nous inciter d'avoir
mutuelle charité entre nous ; que quand Jesus Christ, en se don-
20 nant à nous, non seulement nous convie et nous monstre par son
exemple que nous nous donnions et exposions mutuellement les
uns pour les autres ; mais d'autant qu'il se faict commun à tous ;
il nous faict aussi vrayement estre tous un en luy ?
Mais comme nous voyons que ce sacré pain de la Cène de
23 nostre Seigneur est une viande spirituelle doulce et savoureuse
à ceux ausquelz il donne à recongnoistre Jesus Christ estre
leur vie, lesquelz il induict à action de graces, ausquelz il est
exhortation à charité mutuelle entre eux : aussi aucontraire
il est tourné en poyson mortelle à ceux desquelz il n'enseigne
30 la Foy, et lesquelz il ne incite à confession de loüenge et à charité.
Car tout ainsi qu'une viande corporelle quand elle trouve
un estomac occuppé de mauvaises humeurs, se corrompt :
aussi, et estant corrompue nuyt plus qu'elle ne proffite : en
telle sorte ceste viande spirituelle, si elle eschoit en une ame
35poluë de malice et perversité, elle la précipite en plus grande
ruyne : non pas par sa faulte, mais pource qu'il n'y a rien
de pur à ceux qui sont souillez d'infidélité, comment qu'il soit
sanctifiez par la benediction de Dieu. Car comme dit Sainct
Paul : Ceux qui le mengent indignement, sont coulpables du corps 4.Cor