RELIGION CHRESTIENiNE - Archive ouverte UNIGE

DE. LA CENE. 647
et du sang du Seigneur, et mengent et boy vent leur jugement et
condemnation : ne discernans point le corps du Seigneur. Auquel
lieu est à observer, que ne discerner point le corps et le
sang du Seigneur, et les prendre indignement, est une mesme
s chose. Car telle manière de gens, qui sans aucune scintille de Foy,
sans aucune affection, de charité, se ingèrent, comme pourceaux, à
prendre la Cène du Seigneur : ne discernans point le corps du Seigneur.
Car d'autant qu'ilz ne croyent point celuy corps estre leur
vie,ilz le deshonorent en ce qu'il leur est possible : le despouillans
10 de toute sa dignité, et le prophanent et polluent en le prenant
ainsi. Et d'autant que estans discordans et aliénez de leur
frères, ilz osent.mesler le sacré signe du corps de Jesus Christ
avec leur differens et discors : il ne tient point à eux que le corps
de Jesus Christ ne soit divisé et deschiré membre à membre.
is Pourtant non sans cause ilz sont coulpables du corps et du sang
du Seigneur, que par horrible impieté ilz polluent si vilainement.
Donc par ceste indigne manducation ilz prennent leur
condemnation. Car puis qu'ilz n'ont nulle Foy coloquée en Jesus
Christ : toutesfois, par la reception du Sacrement, ilz protestent
20 qu'ilz n'ont point de salut ailleurs que en Jesus Christ, et renoncent
à toute autre fiance. Parquoy ilz se accusent eux mesmes,
proposent tesmoignage contre eux mesmes, signent leur condemnation.
D'avantage puis que estans par hayne et malveillance
divisez et distraictz de leurs frères, c'est à dire des mem-
25bres de Jesus Christ, ilz n'ont nulle part en Jesus Christ : toutesfois
ilz testifient ce estre le seul salut, c'est à scavoir de communiquer
à Jesus Christ, et d'estre à luy unyz. Il est à noter
incidemment, que ce lieu est en vain tant de fois objecté, pour
prouver la presence locale du corps estre au Sacrement. Je con-
3o fesse bien que Sainct Paul parle icy du vray corps de Jesus
Christ : mais on peut bien voir en quel sens : parquoy il n'est
besoing de plus s'amuser à respondre à telle objection.
Pour la raison susdicte Sainct Paul commande, que l'homme
s'epreuve soymesme, devant qu'il menge de ce pain, ou
35 qu'il bpyve de ceste couppe. Parquoy, comme je l'interprète,
il a voulu qu'un chascun regarde et pense en soymesme, si
en fiance de cœur il recongnoist Jesus Christ estre son Sauveur,
et l'advoüe par sa confession de bouche : si à l'exemple de Jesus
Christ il est prest de se donner soymesme à ses frères, et de se