RELIGION CHRESTIENiNE - Archive ouverte UNIGE

DE LA PREDESTINATION. 499
aureilles, et bande ses yeux de peur qu'il ne voye, et escoute, et
entende, et qu'il soit converty pour estre sauvé. Voilà comment
il leur adresse sa parolle : mais c'est pour les faire plus sourdz :
il [alllume la clarté, mais c'est pour les rendre plus aveugles :
5 il leur présente la doctrine, mais c'est pour les rendre plus estourdiz
: il leur donne remède, mais c'est à fin qu'ilz ne guérissent.
S. Jean alléguant ceste Prophétie, dit, que les Juifz n'ont Jean i%.
peu croire à la doctrine de Christ: pour ce que ceste malediction
de Dieu estoit sur eux. Cela aussi ne se peut mettre en doubte,
10 que quand Dieu ne veult point illuminer quelqu'un, qu'il lui
baille sa doctrine envelopée, à fin qu'il n'y proffite : mais qu'il
en vienne en plus grand- estonnement et stupidité. Car Christ Matt. i3.
tesmoigne, qu'il expose à ses Apostres seulement les paraboles,
dont il avoit usé entre le populaire : pour ce que la grace est
15 faicte aux Apostres, de congnoistre les mystères de son Royaume,
et non aux autres. Qu'est-ce que veult le Seigneur ; en enseignant
ceux ; desquelz il se donne garde d'estre entendu ? Considérons
dont vient le vice : et nous laisserons là ceste question.
Car quelque obscurité qu'il y ayt en la doctrine, il y a tousjours
20 assez de clairté, pour convaincre les consciences des meschans.
Mais il reste encores de. voir, pourquoy c'est que le Seigneur faict
cela : veu qu'il est certain qu'il faict. Si on respond, que cela se
faict à cause que les hommes l'ont mérité pour leur perversité et
ingratitude : ce sera bien et véritablement parlé. Mais pour ce que la
25 raison de ceste diversité n'apparoist point, pourquoy il fleschit les
uns en obeyssance, et fait persister les autres en durté, pour la bien
resouldre, il fault venir à ce que S. Paul a noté du tesmoignage de
Moyse. C'est que Dieu dez le commencement les a suscitez, à fin
de monstrer son Nom en toute la terre. Parquoy ce que les re-
30 prouvez ayantz le Royaume de Dieu ouvert, n'obtempèrent point :
cela sera droictement rejette sur leur perversité et malice: moyennant
qu'on adjouste consequemment, qu'ilz ont esté asservis à
ceste perversité : d'autant que par le Jugement equitable, mais
incomprehensible,.de Dieu, ilz ont esté suscitez pour illustrer sa
35 gloire en leur damnation. En ceste manière quand il est diet des 1. Sam. 2.
filz de Hely, qu'ilz n'ont point escouté les admonitions salutaires
de leur père, pour ce que le Seigneur les vouloit perdre : il
n'est pas signifié que ceste contumace ne soit venue de leur
propre malice: mais il est pareillement noté pourquoy c'est