RELIGION CHRESTIENiNE - Archive ouverte UNIGE

DE ORAISON. ,&55
que par ce mot est signifié le pain, qui soit gaigné par nostre
juste labeur sans detriment d'autruy, et sans aucune fraude : pourr
,ce que tout ce qui est aquis iniquement, n'est jamais nostre.
En ce qu'il est diet, Donne nous : c'est pour nous signifier,
s que de quelque part ou par quelque moyen que nous l'ayons,
c'est tousjours le pur et gratuit don de Dieu : combien qu'il Deut. 8.
nous soit advenu par le travail de noz mains, ou par nostre art
et industrie, ou par quelconque autre forme que ce soit.
LA V. PETITION.
10 Remets nous nos debtes, comme aussi nous remettons
à nos debteurs.
Icy nous demandons remission de péchez nous estre faicte :
laquelle est nécessaire à tous hommes sans en excepter un. Et
appelions péchez debtes : pourtant que nous en devons la peine
is à la justice de Dieu, comme payement : et n'y pourrions satisfaire,
si nous n'en estions délivrez par ceste remission : qui est
pardon gratuit de sa miséricorde : quand libéralement il nous
quicte et délivre de ceste debte : ne recevant rien de nous, qui
nous en puisse délivrer et acquitter : mais se payant soy mesme
20 de sa miséricorde en son Filz nostre Sauveur Jesus Christ :
qui [sj'est une fois offert au Père pour nostre satisfaction. Pourtant
ceux qui pensent, par leurs œuvres et mérites ou d'autres
quelconques, satisfaire à Dieu, et par leurs telles satisfactions
mériter et impetrer, recompenser et payer la remission de leurs
25 péchez : ilz n'ont point de part en ceste remission gratuite. Et
en invoquant Dieu en ceste forme, ilz ne font que s'accuser, et
porter tesmoignage contre eux mesmes. Car ilz confessent qu'ilz
sont debteurs à Dieu : si remission ne leur est faicte. Et toutesfois
ilz né l'acceptent, mais la rejettent, d'autant qu'en presen-
30 tant et opposant à Dieu leurs mérites et satisfactions : ilz ne
cerchent point sa grace et miséricorde : mais appellent à sa
Justice.