RELIGION CHRESTIENiNE - Archive ouverte UNIGE

DU BAPTESME. 613
pour la méditer et se y estudier, quand l'eage le portoit : estans
à ce instruictz dès leurs premieres années.
Par ceste raison se peuvent souldre les passages qu'ilz ameinent
appartenans à la signification du Baptesme. Comme quand
5 de ce que Sainct Paul l'appelle le lavement de regeneration et TU. 3.
renovation, ilz prétendent qu'on ne le doibt bailler sinon à ceux
qui sont capables d'estre regener.ez et renouvelez. Mais nous
aurons tousjours à répliquer. La Circoncision est signe de regeneration
et renovation. Elle ne se doibt donc bailler sinon à ceux
îo qui en sont jà de present participans. Et par ainsi selon leur intention
l'ordonnance de Dieu de circoncir les petis enfans, seroit
folle et desraisonnable. Pourtant toutes les raisons qui combattent
aussi bien contre la Circoncision ne sont à recevoir, pour
impugner le Baptesme. Et ne peuvent calumnier, qu'il fault lais-
15 ser pour faict ce qui est institué du Seigneur : et qu'il fault avoir
pour résolu qu'il est bon et sainct, sans en enquérir, laquelle reverence
n'est pas deuë aux choses lesquelles ne sont expressément
commandées de luy. Car il n'y a sinon à respondre à ceste
question. Ou Dieu a institué la Circoncision pour les petis enfans
50 à bonne raison, ou non. Si elle a esté bien instituée, tellement
qu'on ne puisse alléguer aucune absurdité à l'encontre : autant
en est il du Baptesme. A cest argument donc nous respondons
' ainsi. Les enfans recevansle signe de regeneration et renovation,
s'ilz decedent de ce monde devant que venir en eage decongnois-
25 sance, s'ilz sont des esleuz du Seigneur sont régénérez et renouvelez
par son Esprit, comme bon luy semble : selon sa vertu à
nous cachée et incomprehensible. S'ilz viennent jusques à l'eage
qu'ilz puissent estre instruictz de la doctrine du Baptesme, ilz
• congnoistront comment en toute leur vie ilz ne doivent faire autre
30 chose que méditer ceste regeneration, dont ilz portent la marque
"dès leur enfance. En telle manière aussi faut-il entendre ce que
Sainct Paul enseigne au siziesme des Romains et troiziesme
des Colossiens, que par le Baptesme nous sommes ensepveliz
avec Christ. Car en disant ces choses, il n'entend pas
35 qu'elles doivent précéder le^Baptesme. Mais seulement enseigne
quelle est la doctrine du Baptesme, laquelle se peut aussi bien
monstrer et apprendre après l'avoir receu comme paravant.
Comme pareillement Moyse et les Prophètes remonstroient au
peuple d'Israël que la Circoncision vouloit dire une mesme