RELIGION CHRESTIENiNE - Archive ouverte UNIGE

482 CHAPITRE VIII.
miné qu'elles advinssent : c'est folie de disputer et debatre que
fait sa prescience : quand il appert que le tout advient par son
ordonnance et disposition. On ne peut donc nyer que Dieu n'ayt
preveu, devant que créer l'homme à quelle fin il devoit venir, et
5 ne l'ayt preveu, pource qu'il avoit ainsi ordonné en son conseil.
Si quelqu'un accuse icy la providence de Dieu : il fait témérairement.
Car à quel propoz Dieu sera-il blasmé ; pour n'avoir point
ignoré les choses qui dévoient estre ? S'il y a donc pleincte aucune,
ou juste ou de quelque apparence: elle s'adresse plustost à sa
10 providence. Or ce que je dy ne doibt sembler advis estre estrange ;
c'est que Dieu non seulement a preveu la cheute du premier
homme, et en icelle la ruine de toute sa postérité : mais qu'il l'a
ainsi voulu. Car comme il appartient à sa sagesse, d'avoir la
prescience de toutes choses futures : aussi il appartient à sa
is puissance, de régir et gouverner tout par sa main. Aucuns recourent
icy à la difference de volunté et permission, disans que les
iniques périssent, Dieu le permettant : mais non pas le voulant.
Mais pourquoy dirons-nous qu'il le permet ; sinon pource qu'il
le veult ? Combien que cela mesme ne soit point de soy vray
so semblable : que c'est par la seule permission, et non par l'ordonnance
de Dieu, que l'homme s'est acquis damnation: comme
si Dieu n'avoit point ordonné, de quelle condition il vouloit
que fust la principale et plus noble de ses creatures. Je ne doubte
point donc de simplement confesser avec Sainct Augustin, que
25 la volunté de Dieu, est la nécessité de toutes choses et qu'il
fault nécessairement que ce qu'il a ordonné et voulu, advienne,
comme tout ce qu'il a preveu adviendra certainement. Maintenant
si les Pelagiens, ou Manichéens, bu Anabaptistes, ou Epicuréens
(car nous avons à faire à ces quattre sectes en traictant
30 de ceste matière) allèguent pour leur excifse la nécessité, dont
ilz sont contrainctz par la Predestination de Dieu, ilz n'ameinent
rien de propre à la cause. Car si la predestination n'est autre
chose que l'ordre et dispensation de la justice divine, laquelle ne
laisse point d'estre irrépréhensible, combien qu'elle soit occulte :
35 puis qu'il est certain qu'ilz n'estoient pas indignes d'estre prédestinez
à telle fin : il est aussi certain, que la ruine en laquelle ils
tombent par la Predestination de Dieu, est juste et equitable.
D'avantage leur perdition procède tellement de la Predestination
de Dieu que la cause et matière en sera trouvée en eux. Le premier