RELIGION CHRESTIENiNE - Archive ouverte UNIGE

638 CHAPITRE XII.
soit attribuée au signe. Car s'ilz allèguent que c'est une chose
notoire que la fraction du pain n'est que signe extérieur de la
substance spirituelle : jasoit que nous leur concédions d'exposer
ainsi les parolles de Sainct Paul : toutesfois nous pourrons infe.-
5 rer, de ce que le signe nous est baillé, que la substance nous est
aussi livrée en sa vérité. Car si quelqu'un ne vouloit appeller
Dieu trompeur, il n'osera pas dire qu'un signe vain et vuide de
sa vérité soit proposé par luy. Parquoy le Seigneur nous représente
au vray la participation de son corpz soubz la fraction du
io pain : il n'y a nulle doubte qu'il ne la baille quant et-quant. Et
de faictles fidèles ont du tout à tenir ceste reigle. Que toutesfois
et quantes qu'ilz voyent les signes ordonnez de Dieu, ilz conceoivent
pareillement pour certain, la vérité de la chose représentée
y estre conjoincte, et en ayent seure persuasion. Car à quel pro-
15 poz nostre Seigneur donneroit-il en la main le signe de son
corps ; si ce n'estoit pour le rendre certain de la vraye persuasion
d'iceluy? Or s'il est vray que le signe visible, nous est
baillé pour nous sceller la donation de la chose invisible : il nous
fault avoir ceste confiance indubitable que en prenant le signe
20 du corps, nous recevons pareillement le corps. .
Mais d'autant que plusieurs ne voulans admettre aucune participation
du corps et du sang de Jesus Christ, sinon qu'elle consiste
en presence locale et attouchement, forgent beaucoup de
folles resveries touchant la presence locale : il nous fault
25 brièvement obvier à cest erreur. Comme Jesus Christ a vestu
et prins nostre vraye chair, quand il est nay de la Vierge : comme i
il a souffert en nostre vraye chair, quand il a satisfait pour nous :
ainsi en ressuscitant il a receu et reprins celle mesme vraye chair
et à son ascension l'a transportée au ciel. Car ceste est nostre
30 espérance, que nous ressusciterons et irons au ciel, d'autant que
Jesus Christ est ressuscité et y est monté. Or combien seroit
infirme et fragille ceste espérance : si nostre chair mesmes n'estoit
vrayement en Jesus Christ ressuscitée, et entrée au Royaume
des cieux? Et ceste est la perpétuelle vérité d'un corps, qu'il soit
35 contenu en lieu, - qu'il ayt ses certaines mesures, qu'il ayt sa
forme visible. Je scay bien ce que cavillent aucuns testuz : à fin
de deffendre obstinément l'erreur auquel ilz sont une fois tombez.
Cest que la mesure'du corps de Christ n'a jamais esté autre
que toute l'estendue du ciel et de la terre au long et au large.