RELIGION CHRESTIENiNE - Archive ouverte UNIGE

DK LA CENE. 637
Neantmoins si ne nous la fault-il pas imaginer telle que les
Sophistes l'ont songée : comme si le corps de Christ descendoit
sur la table, et estoit là posé en presence locale, pour estre touché
des mains, mâché des dens, et englouty du gosier. Car comme
i.3 nous ne doubtons point qu'il n'ayt sa mesure comme requiert
la nature d'un corps humain : et qu'il ne soit contenu au" Ciel,
auquel il a esté receu, jusques à tant qu'il viendra au Jugement :
aussi nous estimons que c'est une chose illicite de l'abaisser
entre les elemens corruptibles, pu imaginer qu'il soit par tout
to present. Et de faict cela n'est jà nécessaire pour en avoir la participation
: veu que le Seigneur Jesus nous eslargist ce benefice
par son Esprit, que nous sommes faictz un avec luy de corps,
d'Esprit, et d'ame. Pourtant le lyen de ceste conjunction est le
Sainct Esprit :. par lequel nous sommes uniz ensemble : et est
is comme canal ou conduit, par lequel tout ce que Christ est et
possède, descend jusques à nous. Car si nous appercevons à l'œil,
que le Soleil luysant sur la terre envoyé par ses rays aucunement
sa substance, pour engendrer nourrir et végéter les fruictz d'icelle,
pourquoy la lueur et irradiation de l'Esprit de Jesus Christ se-
20 roit-elle moindre ; pour nous apporter la communication de sa
chair et de son sang ? Pourtant l'Escriture en parlant de la participation
que nous avons avec Christ, réduit toute la vertu d'icelle
à son Esprit. Toutesfois un lieu suffira pour tous les autres.
Sainct Paul -au huitiesme des Romains declaire que Christ n'a-
25 bite autrement en nous que par son Esprit. Enqnoy faisant neantmoins
il ne destruict point ceste communication de son corps et
de son sang, dont il est maintenant question, mais il demonstre
l'Esprit estre le seul moyen que nous possédons Christ, et
l'avons habitant en nous. Une telle communication de son
30 corps et de son sang nous testifie le Seigneur en la Cène. Et
de faict l'offre et le baille à tous ceux qui receoivent ce convive
spirituel. Combien qu'il n'y ayt que les seulx fidèles qui
en participent : entant que par vraye Foy, ilz se rendent
dignes d'avoir joüyssanee dun tel benefice. Pour laquelle
35 raison l'Apostre dit, le pain que nous rompons estre la communion
du corps de Christ. Le calice que nous sanctifions 4.Cor.10.
par les parolles de l'Evangile et par prières, estre la communion
de son sang. Et ne fàult pas que quelqu'un objecte que c'est une
locution figurée : en laquelle le nom de la chose représentée