RELIGION CHRESTIENiNE - Archive ouverte UNIGE

DU GOUVERNEMENT CIVIL. 77S
Dieu est fort et puissant pour venger le contemnement de son
ordonnance. Oultre plus, soubz ceste obéissance je comprens la
moderation que doivent garder toutes personnes privées, quant
es affaires publiques. C'est de né s'en entremettre point de leur
s propre mouvement, de n'entreprendre point témérairement sur
l'office du Magistrat : et du tout ne rien attempter en public.
S'il y a quelque faulte en la police commune qui ayt besoing
d'estre corrigée, ilz ne doivent pourtant faire escharmouche, et
n'entreprendre d'y mettre ordre, ou mettre les mains à l'œuvre,
10 lesquelles leurs sont lyées quant à cela : mais ilz ont à le remonstrer
au supérieur, lequel seul ha la main desliée, pour disposer
du public. J'entenz qu'ilz ne facent rien de ces choses sans
commandement. Car où le mandement du supérieur leur est
baillé, ilz sont garniz de l'auctorité publicque. Car comme on ha
is de coustume d'appeller les conseilliers d'un Prince ses yeux et
ses aureilles, d'autant qu'ilz les a destinez à prendre garde pour
luy : aussi nous povons appeller ses mains, ceux qu'il a ordonnez
pour exécuter ce qui est de faire.
Or pourtant que jusques icy nous avons descript un Maaogistrat
tel qu'il doibt estre, respondant vrayement à son tiltre :
c'est à scavpir un Père du pais, lequel il gouverne, pasteur du
peuple, gardien de paix, protecteur de justice, conservateur
d'innocence : celuy seroit, à bon droit, jugé estre hors de son
sens, qui vouldroit reprouver telle domination. Mais pour-
25 tant qu'il advient le plus souvent que la plus part des Princes
se esloignent de la droicte voye, et que les uns n'ayans nul soucy
de faire leur devoir, s'endorment en leurs plaisirs et voluptez :
les autres, ayans le cœur à l'avarice, mettent en vente toutes
loix, previleges, droitz, et jugemens : les autres pillent le po-
30 vre populaire, pour fournir à leurs prodigalitez desordonnées :
les autres exercent droictes briganderies, en saccageant les
maisons, violans les vierges et femmes mariées, meurtrissans
les innocens : il.n'est pas facile de persuader à plusieurs, que
telz doivent estre recongneuz pour Princes, et qu'il leur faille
35 obéir tant que possible est. Car quand entre des vices si enormes
et si estranges, non seulement de l'office d'un Magistrat, mais
aussi de toute humanité, ilz ne voyent en leur supérieurs nulle
forme de l'image de Dieu, laquelle devoit reluyre en un Magistrat
: et ne vient nulle apparence d'un ministre de Dieu,